امریکہ میں آسٹریلوی سفارتکار اپارٹمنٹ کی بالکونی سے گر کر ہلاک

جمعہ 17 نومبر 2017 15:43

واشنگٹن(اُردو پوائنٹ اخبارتازہ ترین - آئی این پی۔ 17 نومبر2017ء) امریکہ میں آسٹریلوی سفارت کار دوستوں سے ہنسی مذاق کے دوران اپنے اپارٹمنٹ کی بالکونی سے گر کر ہلاک ہو گئے ۔

(جاری ہے)

غیر ملکی میڈیا کے مطابق 30 سالہ آسٹریلوی سفارت کار جولیان سمپسن نیویارک سٹی میں اپنے اپارٹمنٹ کی ساتویں منزل کی بالکونی میں دوستوں کے ساتھ موجود تھے کہ اچانک ان کا پاں پھسل گیا اور وہ دوسری منزل کی چھت پر جا گرے ، جس سے ان کی موت واقع ہو گئی۔ سمپسن اقوام متحدہ میں آسٹریلیا کے نمائندہ تھے ۔ آسٹریلوی وزیراعظم میلکم ٹرن بل نے واقعہ کو افسوس ناک قرار دیتے ہوئے کہا کہ ہماری ہمدردیاں ان کے لواحقین کے ساتھ ہیں۔