لاہور اور ملتان میں جدید سنٹرل پتھالوجی لیب بنائی جائینگی، ہر قسم کے ٹیسٹ کی سہولت ہو گی:شہبازشریف
جدید سنٹرل پیتھالوجی لیبزکا نظام خود کار ہو گا،ہسپتالوں میں چھوٹی لیبز بھی بنیں گی جو سنٹرل پتھالوجی لیبز سے سیٹلائٹ کے ذریعے منسلک ہونگی اربوں روپے کے وسائل عام آدمی کو معیاری ، بہترین اور جدید طبی سہولتوں کی فراہمی پر صرف کئے جا رہے ہیں وزیراعلیٰ کی زیر صدارت دو گھنٹے اجلاس، شعبہ صحت میں اصلاحات کے پروگرام پر عملدرآمد اور ہیلتھ پراجیکٹس پر پیشرفت کا جائزہ لیا گیا
جمعرات 16 نومبر 2017 20:24
(جاری ہے)
ان لیبز کا نظام خود کار ہو گا اور یہاں لیب انفارمیشن مینجمنٹ سسٹم بھی ہو گا۔ انہوںنے کہا کہ سنٹرل لیبز کے قیام کا منصوبہ انتہائی اہمیت کا حامل ہے اور اسے تیزی سے آگے بڑھانا ہے۔
انہوں نے کہا کہ پتھالوجی لیبز کے قیام کے حوالے سے روڈ شو کا بھی انعقاد کیا جائے ۔انہوںنے ہدایت کی کہ ہیلتھ سیکٹر کے جاری منصوبوں پر کام کی رفتار مزید تیز کی جائے۔ انہوںنے کہا کہ صوبے میں آئندہ نئے ہسپتال پبلک پرائیویٹ پارٹنرشپ کے ماڈ ل کے تحت ہی بنیں گے۔ وزیراعلیٰ نے کہا کہ عوام کو ہیپاٹائٹس کے موذی مرض سے بچانے کیلئے ہیپاٹائٹس کنٹرول پروگرام انتہائی اہمیت کا حامل ہے اوراس پروگرام کو موثر انداز سے آگے بڑھایا جائے۔ انہوں نے کہا کہ ہیپاٹائٹس کے مریضوں کو ان کے گھروں پر ادویات کی فراہمی کا پروگرام کامیابی سے جاری ہے۔ جدید طبی سہولتوں سے آراستہ ہیپاٹائٹس فلٹرکلینکس کے قیام کے منصوبے پر تیزی سے کام کیا جا رہا ہے۔ ٹیچنگ ہسپتالوں میں موجود ہیپاٹائٹس فلٹرکلینکس کو اپ گریڈ کیا جائے جن ہسپتالوں میں نئے اور بڑے فلٹر کلینکس بنانے کی ضرورت ہے وہاں پر فوری کام شروع کیا جائے۔ انہوں نے کہا کہ ہیلتھ فسیلٹیز میں جدید ٹیکنالوجی کے استعمال کو فروغ دیا جا رہا ہے۔ جدید وینٹی لیٹرسسٹم ہسپتالوں میں وینٹی لیٹرز کی مانیٹرنگ کے حوالے سے کارگر ثابت ہو گا۔ اسی طرح پیشنٹ انفارمیشن مینجمنٹ سسٹم بھی مرتب کیا گیا ہے۔ ادویات کی خریداری،ترسیل اور تقسیم کا بھی ڈیجیٹل نظام بنایا گیا ہے۔ انہوں نے کہا کہ وزیر اعظم ہیلتھ انشورنس پروگرام چار اضلاع میں جاری ہے اور اس پروگرام کو صوبے کے تمام اضلاع تک بڑھایا جائے گا جبکہ مزید 13 اضلاع میں وسعت دینے کے پروگرام کو حتمی شکل دے دی ہے۔ بڑے ہسپتالوں میں کارکردگی کی بنیادپر ایوارڈ دینے کا پروگرام بھی بنایا لیا گیا ہے۔ اجلاس میں ہیلتھ کیئر سروسز کی فراہمی کیلئے نجی ہسپتالوں کی خدمات کے پروگرام کا بھی جائزہ لیا گیا۔ سیکرٹری سپیشلائزڈ ہیلتھ کیئر اینڈ میڈیکل ایجوکیشن نجم شاہ نے ہیلتھ کیئر کے منصوبوں پر پیشرفت بارے بریفنگ دی۔ اجلاس میں وزیراعلیٰ کوتحصیل ہیڈ کوارٹرز ہسپتال تاندلیانوالہ میں 40 سالہ محمد یاسین کے جاں بحق ہونے کے واقعہ کی انکوائری رپورٹ پیش کی گئی۔ رپورٹ کے مطابق محمد یاسین کی موت زائد المیعاد دوا کھانے سے نہیں بلکہ ایک جلدی بیماری سے ہوئی ہے۔ انکوائری رپورٹ میں ہسپتال کے عملے کے حوالے سے کسی قسم کی غفلت سامنے نہیں آئی۔ وزیر اعلیٰ نے ہدایت کی کہ طبی سہولتوں کو بہتر بنانے کے حوالے سے انکوائری کمیٹی کی سفارشات پر پوری طرح عملدرآمد کیا جائے۔ صوبائی وزراء خواجہ عمران نذیر ، ڈاکٹر ملک مختار احمد بھرت، مشیر ڈاکٹر عمر سیف ، سیکرٹریز صحت اور محکمہ صحت کے اعلی حکام نے اجلاس میں شرکت کی۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.