ترکی میں 3 ہزار سال پرانا زیرزمین قلعہ دریافت

انقرہ (اُردو پوائنٹ اخبارتازہ ترین - این این آئی۔ 15 نومبر2017ء) ترکی کی سب سے بڑی وان جھیل سے تین ہزار سال قبل قدیم قلعہ دریافت ہوا ہے۔ماہرین آثار قدیمہ نے ترکی کے صوبے وان میں واقع جھیل سے اٴْرارتو تہذیب سے تعلق رکھنے والے قلعے کی باقیات دریافت کی ہیں جو تقریباً تین ہزار سال پرانی ہیں۔وان یوزونسو یِل یونیورسٹی اور بطلس صوبے کی انتظامیہ نے انکشاف کیا ہے کہ زیر زمین دریافت ہونے والا قلعہ اٴْرارتو تہذیب سے تعلق رکھتا ہے۔

(جاری ہے)

آٹھویں یا ساتویں صدی قبل مسیح اس تہذیب کو سلطنت وان کے نام سے بھی جانا جاتا تھا۔قلعہ دریافت کرنے والی ٹیم کے سربراہ کا کہنا ہے کہ اٴْرارتو تہذیب کے وقت لوگوں نے جھیل کے اطراف بڑے گاؤں اور گھر تعمیر کر رکھے تھے کیونکہ اس وقت پانی کا لیول بہت کم تھا لیکن جیسے جیسے پانی کا لیول بڑھتا گیا تو لوگوں کو وہ علاقہ چھوڑنا پڑا۔خیال رہے کہ وان جھیل ترکی کی سب سے بڑی اور مشرق وسطیٰ کی دوسری بڑی جھیل ہے جو وین اور بطلس صوبوں کے درمیان گزرتی ہے۔تقریباً 6 ہزار سال سے موجود وان جھیل کی موجودہ گہرائی ارارتو تہذیب سے کئی سو میٹر زیادہ ہے۔