کاجول کو کمل ہاسن اور امیتابھ کیساتھ تصویر کو سیلفی کہہ کر شیئر کرنا مہنگا پڑ گیا
تازہ ترین : 1

کاجول کو کمل ہاسن اور امیتابھ کیساتھ تصویر کو سیلفی کہہ کر شیئر کرنا مہنگا پڑ گیا

کاجول کی شیئر کی جانیوالی تصویر کو اب تک 22 ہزار سے زیادہ ری ٹویٹ مل چکے ہیں

ممبئی (اُردو پوائنٹ اخبارتازہ ترین۔ 15 نومبر2017ء)بالی ووڈ اداکارہ کاجول کو کمل ہاسن اور امیتابھ بچن کے ساتھ تصویر کو سیلفی کہہ کر شیئر کرنا مہنگا پڑ گیا۔ دنیا بھر میں موبائل سے سیلفی لینے کا رجحان اس قدر تیزی سے بڑھ رہا ہے کہ لوگ اب تصویر یا سیلفی میں بہت آسانی سے فرق کر لیتے ہیں۔ معروف بھارتی اداکارہ کاجول نے سماجی رابطے کی ویب سائٹ پر کمل ہاسن اور امیتابھ بچن کے ساتھ اپنی ایک تصویر شیئر کی، جس میں انہوں نے لکھا کہ میں مزاحمت نہیں کر سکتی کیونکہ یہ دو لیجنڈز کے ساتھ سیلفی لینے کا وقت ہے۔

کاجول کی شیئر کی جانیوالی تصویر کو اب تک 22 ہزار سے زیادہ ری ٹویٹ مل چکے ہیں اور اس پر 9 سو سے زیادہ تبصرے کئے گئے ہیں۔ اکثر میں صارفین نے لکھا کہ یہ سیلفی نہیں بلکہ فوٹو گرافر کی تصویر ہے جبکہ دیگر نے ان پر کڑی تنقید بھی کی۔
وقت اشاعت : 15/11/2017 - 11:30:28

اپنی رائے کا اظہار کریں