’’دنیا کی کوئی طاقت پاکستان کو ختم نہیں کر سکتی‘‘پاک فوج کے سربراہ کا اپنے خطاب ..
تازہ ترین : 1
’’دنیا کی کوئی طاقت پاکستان کو ختم نہیں کر سکتی‘‘پاک فوج کے سربراہ ..

’’دنیا کی کوئی طاقت پاکستان کو ختم نہیں کر سکتی‘‘پاک فوج کے سربراہ کا اپنے خطاب میں قائد اعظم کے اقوال کا حوالہ

تمام ریاستی اداروں کو ملکی مفاد میں کام کر نا ہوگا ،ْ مغربی سرحد پر دشمن کی موجودگی اور ملکی سلامتی کے فرائض کے باوجود ہم روایتی خطرات سے غافل نہیں رہ سکتے ،ْطویل سفر کے بعد چیلنجز پر قابو پا لیا ہے اور انشاء اللہ پاکستان جلد اقوام عالم کی صف اول میں شامل ہوگا ،ْترقی کے لیے صرف اور صرف پختہ عزم اور بطور قوم متحد رہنے کی ضرورت ہے، جنرل قمر جاوید باجوہ

راولپنڈی(اُردو پوائنٹ اخبارتازہ ترین۔ 14 نومبر2017ء)سربراہ پاک فوج جنرل قمر جاوید باجوہ نے بانی پاکستان قائد اعظم محمد علی جناح کے اقوال کا حوالہ دیتے ہوئے کہا ہے کہ ’’دنیا کی کوئی طاقت پاکستان کو ختم نہیں کر سکتی‘‘ تمام ریاستی اداروں کو ملکی مفاد میں کام کر نا ہوگا ،ْ مغربی سرحد پر دشمن کی موجودگی اور ملکی سلامتی کے فرائض کے باوجود ہم روایتی خطرات سے غافل نہیں رہ سکتے ،ْطویل سفر کے بعد چیلنجز پر قابو پا لیا ہے اور انشاء اللہ پاکستان جلد اقوام عالم کی صف اول میں شامل ہوگا ،ْترقی کے لیے صرف اور صرف پختہ عزم اور بطور قوم متحد رہنے کی ضرورت ہے۔

منگل کو پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ آرمی چیف جنرل قمر جاوید باجوہ نے منگلا کور کا دورہ کیا اور پاک فوج کے جوانوں کی تربیتی مشقوں کا جائزہ لیا۔آئی ایس پی آر کے مطابق آرمی چیف جنرل قمر جاوید باجوہ نے افسروں اور جوانوں سے خطاب میں کہا کہ پاک فوج کے جوانوں کی پیشہ ورانہ تربیت کے معیار اور حوصلے کو سراہا۔

پاک فوج کے شعبہ تعلقات عامہ کے مطابق جنرل قمر جاوید باجوہ نے کہا کہ مغربی سرحد پر دشمن کی موجودگی اور ملکی سلامتی کے فرائض کے باوجود ہم روایتی خطرات سے غافل نہیں رہ سکتے۔ انہوں نے مزید کہا کہ ہمیں درپیش چیلنجز اعلی ترین فوجی تربیت اور آپریشنل تیاریوں کا تقاضہ کرتی ہیں۔آرمی چیف نے اس موقع پر بانی پاکستان قائد اعظم محمد علی جناح کے اقوال کا حوالہ دیتے ہوئے کہا کہ ’ دنیا کی کوئی طاقت پاکستان کو ختم نہیں کر سکتی لیکن اس مقصد کے لیے تمام ریاستی اداروں کوملکی مفادمیں کام کرنا ہو گا۔

جنرل قمر جاوید باجوہ نے مزید کہا کہ طویل سفر کے بعد چیلنجز پر قابو پا لیا ہے اور انشاء اللہ پاکستان جلد اقوام عالم کی صف اول میں شامل ہوگا، لیکن ترقی کے لیے صرف اور صرف پختہ عزم اور بطور قوم متحد رہنے کی ضرورت ہے۔

مزید متعلقہ خبریں پڑھئیے‎ :

وقت اشاعت : 14/11/2017 - 22:36:27

اپنی رائے کا اظہار کریں