عمران خان کاسونامی بلین ٹری کی جشن کی تقریب میں پارٹی کارکنوں کی جانب سے نظم ..
تازہ ترین : 1
عمران خان کاسونامی بلین ٹری کی جشن کی تقریب  میں   پارٹی کارکنوں کی جانب ..

عمران خان کاسونامی بلین ٹری کی جشن کی تقریب میں پارٹی کارکنوں کی جانب سے نظم و ضبط کے مظاہرہ پراظہار حیرت

لگ ہی نہیں رہا کہ یہ تحریک انصاف کی تقریب ہے ،عموماً ہماری تقاریب میں کُشتیاں وغیرہ ہوتی ہیں لیکن اب ہماری پارٹی آگے بڑھ رہی ہے،ڈسپلن کا مظاہرہ کرنے پر کارکنان کو مبارکباد دیتا ہوں، تحریک انصاف کے سربراہ کی دلچسپ گفتگو

اسلام آباد (اُردو پوائنٹ اخبارتازہ ترین۔ 14 نومبر2017ء)پاکستان تحریک انصاف کے سربراہ عمران خان نے سونامی بلین ٹری کی جشن کی تقریب میں پارٹی کارکنوں کی جانب سے ڈسپلن کا مظاہرہ کرنے پر حیرت کا اظہار کرتے ہوئے کہا کہ لگ ہی نہیں رہا کہ یہ تحریک انصاف کی تقریب ہے ،عموماً ہماری تقاریب میں کُشتیاں وغیرہ ہوتی ہیں لیکن اب ہماری پارٹی آگے بڑھ رہی ہے،ڈسپلن کا مظاہرہ کرنے پر کارکنان کو مبارکباد دیتا ہوں ۔

منگل کو کنونشن سینٹر اسلام آباد میں بلین ٹری منصوبے کی کامیابی کے حوالے سے منعقدہ تقریب میں اس وقت دلچسپ صورتحال پیدا ہوگئی جب عمران خان نے پارٹی کارکنان کی جانب سے ڈسپلن کی پابندی کرنے پر حیرت کا اظہار کردیا ۔عمران خان نے کہا کہ میں سب سے پہلے تحریک انصاف کو مبارکباد دیتا ہوں اس لئے کہ میرے اکیس سال کی جدوجہد میں جو آج میں کارکنان کا ڈسپلن دیکھ رہا ہوں لگ ہی نہیں رہا کہ یہ تحریک انصاف کا فنکشن ہے ،عموماً ہماری تقاریب میں کشتیاں وغیرہ ہوتی ہیں لیکن اب ہماری پارٹی آگے بڑھ رہی ہے ۔

مزید متعلقہ خبریں پڑھئیے‎ :

وقت اشاعت : 14/11/2017 - 20:45:34

متعلقہ عنوان :

اپنی رائے کا اظہار کریں