جیالے کسی غلط فہمی میں نہ رہیں2018الیکشن کا سال ہے بھرپور تیاریاں کریں , آصف علی زرداری

اس بار آصفہ بھٹو آپ کے ساتھ ہوں گی، نواز شریف کو قانون کا سامنا کرنا چاہئے اداروں کو بدنام کرنے کی سازش میں ہم ان کا ساتھ دے سکتے ہیں نہ ہی کسی ایک شخص کو بچانے کے لیے جمہوریت کی بساط لپیٹنے کی اجازت دیں گے،پارٹی کے سنئیر رہنمائوں سے ملاقات

منگل 14 نومبر 2017 20:28

جیالے کسی غلط فہمی میں نہ رہیں2018الیکشن کا سال ہے بھرپور تیاریاں کریں ..

کراچی(اُردو پوائنٹ اخبارتازہ ترین - آن لائن۔ 14 نومبر2017ء) پاکستان پیپلزپارٹی پارلیمنٹرینز کے سربراہ اورسابق صدر آصف علی زرداری نے کہا ہے کہ جیالے کسی غلط فہمی میں نہ رہیں2018الیکشن کا سال ہے بھرپور تیاریاں کریں اس بار آصفہ بھٹو آپ کے ساتھ ہوں گی، نواز شریف کو قانون کا سامنا کرنا چاہئے لیکن اداروں کو بدنام کرنے کی سازش میں ہم ان کا ساتھ نہیں دے سکتے اور نہ ہی کسی ایک شخص کو بچانے کے لیے جمہوریت کی بساط لپیٹنے کی اجازت دیں گے۔

پاکستان پیپلزپارٹی کی سینئررہنما شیری رحمان، سندھ کے وزیربلدیات جام خان شورو اور سابق مشیر نادیہ گبول نے سابق صدر آصف علی زرداری سے ملاقات ۔ملاقات میں ملک کی موجودہ صورت حال بالخصوص سندھ کی سیاسی صورت حال پر تبادلہ خیال کیا گیا۔

(جاری ہے)

سابق صدر آصف زرداری نے دورانِ ملاقات پارٹی رہنمائوں کو آئندہ الیکشن کے لیے تیار رہنے کی ہدایت کی اور کہاکہ کارکنان کسی غلط فہمی میں نہ رہیںکہ 2018 الیکشن کا سال ہے۔

انہوں نے کہا کہ 2018 کے الیکشن میں آصفہ بھٹو جیالوں کے ساتھ ہوں گی اور نواب شاہ سے لیکر ہر ایک ایک حلقہ آصفہ بھٹو کا منتظر ہوگا اور پھر سے دھما دم مست قلندر ہوگا۔آصف علی زرداری نے کہا کہ اس بارجو پی پی کے جیالوں کے ساتھ نہیں ہوگا وہ پچھتائے گا اور اگلے سیاسی سیٹ اپ میں عوام کی اپنی حکومت کو دوام حاصل ہوگا۔