تحریک انصاف نے پیپلزپارٹی کی ایک ساتھ متعدد وکٹیں گرا دیں
تازہ ترین : 1
تحریک انصاف نے پیپلزپارٹی کی ایک ساتھ متعدد وکٹیں گرا دیں

تحریک انصاف نے پیپلزپارٹی کی ایک ساتھ متعدد وکٹیں گرا دیں

سابق صدرپیپلزپارٹی پنجاب رانا آفتاب،سابق ایم پی اےسجادجتھول،جیکب آباد سے بابو عبدالقادربرڑو اورصدام خان برڑوکا پی ٹی آئی میں شمولیت کا اعلان،عمران خان نےخیرمقدم کیا۔میڈیا رپورٹس

اسلام آباد(اردوپوائنٹ تازہ ترین اخبار۔14 نومبر2017ء): تحریک انصاف نے پیپلزپارٹی کی متعدد وکٹیں گرا دیں،پیپلزپارٹی پنجاب کے سابق صدر رانا آفتاب،سابق ایم پی اےسجادجتھول،جیکب آباد سے بابو عبدالقادربرڑو اورصدام خان برڑو نے تحریک انصاف میں شمولیت کا اعلان کردیا ہے،عمران خان نے شمولیت اختیارکرنے والوں کاخیرمقدم کیا ہے۔ میڈیا رپورٹس کے مطابق چیرمین تحریک انصاف عمران خان نےپارٹی میں شمولیت اختیار کرنے والے رہنماؤں سے سیکرٹری جنرل جہانگیرترین کی رہائش گاہ پرملاقات کی۔

ملاقات میں ملک اور سندھ کی سیاسی صورتحال پرتبادلہ خیال کیا گیا۔عمران خان سے پیپلزپارٹی پنجاب کے سابق صدر رانا آفتاب، بہاولنگر سےسابق ایم پی اےسجاد جتھول، جیکب آباد سے بابو عبدالقادربرڑو اورصدام خان برڑو نے ملاقات کی۔ اس موقع پرپی ٹی آئی چیئرمین عمران خان نے کہا کہ تحریک انصاف میں شامل ہونیوالوں کو خوش آمدید کہتا ہوں۔ آئندہ انتخابات میں ملک بھر سے کامیابی حاصل کریں گے۔
تحریک انصاف نے پیپلزپارٹی کی ایک ساتھ متعدد وکٹیں گرا دیں

مزید متعلقہ خبریں پڑھئیے‎ :

وقت اشاعت : 14/11/2017 - 16:59:20

اپنی رائے کا اظہار کریں