جناب والا! کوئی جلدی نہیں، سب جلدبازیاں صرف نوازشریف کے لیئے تھیں،مریم نواز کا ..
تازہ ترین : 1
جناب والا! کوئی جلدی نہیں، سب جلدبازیاں صرف نوازشریف کے لیئے تھیں،مریم ..

جناب والا! کوئی جلدی نہیں، سب جلدبازیاں صرف نوازشریف کے لیئے تھیں،مریم نواز کا عمران خان نا اہلی کیس کا فیصلہ محفوظ ہونے پر ردعمل

اسلام آباد(اردو پوائنٹ تازہ ترین اخبار- 14نومبر 2017ء ):مریم نواز نے عمران خان نا اہلی کیس کا فیصلہ محفوظ ہونے اور فیصلہ سنائے جانے میں ممکنہ تاخیر پر رد عمل دیتے ہوئے کہا کہ جناب والا! کوئی جلدی نہیں، سب جلدبازیاں صرف نوازشریف کے لیئے تھیں۔تفصیلات کے مطابق سپریم کورٹ نے پاکستان تحریک انصاف کے سربراہ عمران خان کی نا اہلی کیس پر فیصلہ محفوظ کر لیا ۔

فیصلہ محفوظ کرتے ہوئے فاضل عدالت کے جج صاحبان کا کہنا تھا کہ کوئی یہ امید نہ رکھے کہ فیصلہ کل سنا دیا جائے گا ۔فیصلہ سنائے جانے میں ممکنہ تاخیر پر رد عمل دیتے ہوئے سابق وزیر اعظم کی صاحبزادی نے مائکرع بلاگنگ ویب سائٹ ٹوئٹر پر ٹوئٹ میں کہا کہ جناب والا! کوئی جلدی نہیں، سب جلدبازیاں صرف نوازشریف کے لیئے تھیں کیونکہ نوازشریف کے خلاف فیصلہ کرانے کے لیئے 'عدل' کے نئے پیمانے بنائے گئے۔
اس حوالے سے انکا مزید کہنا تھا کہ عدل کے سارے سانچے، نوازشریف اور اس کے خاندان کے لیئے ہیں۔ دوسروں سے نہ سوال نہ جواب، کوئی اشتہاری سے یہ بھی نہیں پوچھتا کہ دو سال کہاں تھے۔
اس خبر نوں پنجابی وچ پڑھو
وقت اشاعت : 14/11/2017 - 14:43:11

اپنی رائے کا اظہار کریں