پاک امریکہ تعلقات میں کشیدگی کے باوجود د بہتری کی امید ہے، اعزاز چوہدری
تازہ ترین : 1
پاک امریکہ تعلقات میں کشیدگی کے باوجود د  بہتری کی امید ہے، اعزاز چوہدری

پاک امریکہ تعلقات میں کشیدگی کے باوجود د بہتری کی امید ہے، اعزاز چوہدری

واشنگٹن (اُردو پوائنٹ اخبارتازہ ترین۔ 14 نومبر2017ء) امریکہ میں پاکستان کے سفیر اعزاز چوہدری نے کہا ہے کہ دہشت گردی‘ غربت اور ماحولیاتی چیلنجز پر قابو پانے کیلئے مشترکہ عالمی روعمل کی ضرورت ہے‘ حالیہ دنوں میں دنیا کو علاقائی اور عالمی چیلنجز کا سامنا ہے‘ قومی اتفاق رائے کے باعث سکیورٹی فورسز نے پاکستان سے تمام منظم دہشت گروہوں کا خاتمہ کردیا ہے‘ پاکستان میں امن و امان کی بہتر صورتحال کے باعث ملک شاندار اقتصادی ترقی کررہا ہے‘ پاکستان کی نصف سے زائد آبادی نوجوانوں پر مشتمل ہے جس سے پاکستان کو آگے بڑھنے کے وسیع مواقع ملیں گے‘ پاکستان امریکہ تعلقات میں کشیدگی کے باوجود دونوں ممالک کے درمیان تعلقات میں بہتری کی امید ہے۔

وہ منگل کو امریکہ میں ورلڈ افیئرز کونسل سے خطاب کررہے تھے ۔ اپنے خطاب میں انہوں نے علاقائی اور عالمی چیلنجز کا تزکرہ کیا جن کا آج کی دنیا کو سامنا ہے۔ دہشت گردی غربت اور ماحولیاتی تبدیلی جیسے چیلنجز پر قابو پانے کے لئے عالمی ردعمل کی ضرورت ہے۔ اعزاز چوہدری نے عسکریت پسندی اور انتہا پسندی کے خلاف پاکستانی کوششوں کی تعریف کی۔ انہوں نے کہا قومی اتفاق رائے نے سکیورٹی فورسز کے دہشت گردوں کے خلاف آپریشنز میں بہت مدد کی۔

یہ کامیابیاں زبردست اقتصادی اور جانوں کی قربانی کے بعد حاصل ہوئی ہیں۔ انہوں نے پاکستان کی شاندار اقتصادی کامیابیوں کا ذکر کیا جو ملک میں امن و امان کی بہتر ورتحال کے باعث حاصل کی گئی ہیں۔ نئے توانائی منصوبے اگلے سال تک مکمل ہونے کا امکان ہے جس سے لوڈشیڈنگ میں کمی آئے گی۔ پاکستان کی کثیر آبادی نوجوانوں پر مشتمل ہے جس سے پاکستان اقتصادی شعبے میں گرانقدر ترقی کرے گا۔

سفیر اعزاز چوہدری نے کہا کہ حالیہ پاکستان امریکہ تعلقات میں کشیدگی کے باوجود تعلقات میں بہتری کی امید موجود ہے۔ دونوں ممالک کئی دہائیوں سے مشترکہ پارٹنر رہے ہیں اور القاعدہ جیسے دشمن کا مل کر خاتمہ کیا۔ پاکستان پرعزم ہے کہ امریکہ سے تعلقات کو جلد از جلد بحال کیا جائے اور مل کر کام کیا جائے۔ حالیہ امریکی وزیر خارجہ کے پاکستان کے دوروں سے تعلقات بہتر بنانے میں مدد ملی ہے اور کشیدگی میں کمی آئی ہے۔

مزید متعلقہ خبریں پڑھئیے‎ :

وقت اشاعت : 14/11/2017 - 12:50:58

اپنی رائے کا اظہار کریں