6بھارتی پروازوں کو پاکستانی فضائی حدود استعمال کرنے کی اجازت دیدی گئی

بھارتی پروازیں لاہور سے پاکستانی فضائی حدود میں داخل ،کراچی کی فضائی حدود سے مشرق وسطی کے ممالک روانہ ہونگی

پیر 13 نومبر 2017 20:44

لاہور (اُردو پوائنٹ اخبارتازہ ترین - این این آئی۔ 13 نومبر2017ء) 6بھارتی پروازوں کو پاکستانی فضائی حدود استعمال کرنے کی اجازت دیدی گئی۔ نجی ٹی وی کے مطابق تمام بھارتی پروازیں لاہور سے پاکستانی فضائی حدود میں داخل ہوں گی جو کہ لاہور سے کراچی کا فضائی روٹ استعمال کریں گی ۔

(جاری ہے)

بھارتی پروازیں کراچی کی فضائی حدود سے مشرق وسطی کے ممالک روانہ ہوں گی اور بھارت واپسی پر بھی پروازیں یہی روٹ استعمال کریں گی ۔ ان بھارتی پروازوں میں ائیر انڈیا کی امرتسر سے دبئی جانے اور آنے والی پروازیں 191 اور 192، چندی گڑھ سے شارجہ جانے اور آنے والی پروازیں 187 اور 188، انڈی گو ائیر کی چندی گڑھ سے دبئی کی پروازیں 655 اور 656شامل ہیں ۔