چمڑے کی ویلیو ایڈڈ انڈسٹری کی برآمدات کو تین ارب ڈالر تک بڑھایا جا سکتا ہے، میاں زاہد حسین

پیر 13 نومبر 2017 19:09

کراچی ۔ (اُردو پوائنٹ اخبارتازہ ترین - اے پی پی۔ 13 نومبر2017ء) پاکستان بزنس مین اینڈ انٹلیکچولز فور م وآل کراچی انڈسٹریل الائنس کے صدر اوربزنس مین پینل کے سینئر وائس چیئرمین میاں زاہد حسین نے کہا ہے کہ خام چمڑے کی برآمدات کو کم کرنے کی ضرورت ہے تاکہ مقامی ویلیو ایڈڈ صنعت کو مداخل کی کمی کے مسئلے سے نجات دلوائی جا سکے۔ اسی طرح تیار چمڑے کی برآمد پر بھی کسی حد تک ممانعت کی ضرورت ہے تاکہ ویلیو ایڈڈ انڈسٹری جو کھیلوں کا سامان، دستانے، گارمنٹس ، بیگ، پرس ، بیلٹ اور جوتے وغیرہ تیار کر رہی ہیں کو پھلنے پھولنے کا موقع ملے۔

پیر کو جاری کردہ اپنے بیان میں انہوں نے کہا کہ ہر سال قربانی کے موقع پراناڑی قصائیوں، اسٹوریج کے ناقص انتظامات اور بجلی کی لوڈ شیڈنگ کی وجہ سے جانوروں کی اربوں روپے کی کھالیں ضائع ہو جاتی ہیں جس کے لئے حکومت کو پاکستان ٹینرز ایسوسی ایشن کی مدد سے بڑے پیمانے پر تربیتی پروگرام شروع کرنے کی ضرورت ہے۔

(جاری ہے)

انہوں نے کہا کہ پاکستان میں کاروباری لاگت چین اور بھارت جیسے حریف ممالک کے مقابلہ میں زیادہ ہے جس کی وجہ سے برآمدات کم ہو رہی ہیں۔ انہوں نے کہا کہ حکومت حلال مارکیٹ کو بہتر بنانے کیلئے قابل قدر انتظامات کر رہی ہے جبکہ چمڑے کی صنعت بھی اس سے منسلک ہے جسے بھرپور توجہ دینے کی ضرورت ہے۔

Facebook Twitter Google + Share on Whatsapp

چمڑے کی ویلیو ایڈڈ انڈسٹری کی برآمدات کو تین ارب ڈالر تک بڑھایا جا سکتا ہے، میاں زاہد حسین

متعلقہ عنوان :

مزید تجارتی خبریں