سرفراز، وہاب اور بابراعظم کی بھارتی گانوں پر موج مستیوں کی ویڈیو سوشل میڈیا پر وائرل

پیر 13 نومبر 2017 17:13

لاہور (اُردو پوائنٹ اخبارتازہ ترین - این این آئی۔ 13 نومبر2017ء) قومی کرکٹ ٹیم کے کپتان سرفراز احمد، بولر وہاب ریاض اور بیٹسمین بابراعظم کی بھارتی گانوں پر موج مستیوں کی ویڈیو سوشل میڈیا پر وائرل ہوگئی۔

(جاری ہے)

تفصیلات کے مطابق پاکستانی ٹیم کے کپتان سرفراز احمد، فاسٹ بولر وہاب ریاض اور نوجوان بیٹسمین بابراعظم کو میدان کے اندر پرفارمنس دینا خوب آتا ہے لیکن سفر کے دوران بھی یہ تینوں انجوائے کرنے میں بھی کسی سے پیچھے نہیں۔

فاسٹ بولر وہاب ریاض نے انسٹاگرام پر ویڈیو شیئر کی ہے جس میں کپتان سرفراز احمد اور بیٹسمین بابر اعظم بھارتی گانوں پر جھومتے نظر آرہے ہیں۔ویڈیو میں بیٹسمین بابراعظم گاڑی ڈرائیو کررہے ہیں لیکن سرفراز ہاتھ میں موبائل پکڑے بھارتی گانوں پر گنگنارہے ہیں اور ان کے ساتھ بیٹھے بابراعظم اور بولر وہاب ریاض بھی کسی سے پیچھے نہیں اور سرفراز کے ساتھ خوب جھومتے اور مستی کرتے نظر آرہے ہیں۔