ضیااللہ آفریدی کے وکیل نے عمران خان کے ریفرنس کا جواب الیکشن کمیشن میںجمع کرادیا، سماعت 23نومبر تک ملتوی

جواب جمع کرانے میں تاخیر کیوں کی، چیف الیکشن کمشنر کا ضیااللہ آفریدی کے وکیل سے استفسار عائشہ گلالئی ریفرنس کے فیصلے کا انتظار کررہے تھے، آئندہ سماعت پر دلائل دیں گے، لطیف کھوسہ

پیر 13 نومبر 2017 12:23

ضیااللہ آفریدی کے وکیل نے عمران خان کے ریفرنس کا جواب الیکشن کمیشن ..

اسلام آباد(اُردو پوائنٹ اخبارتازہ ترین - آئی این پی۔ 13 نومبر2017ء) الیکشن کمیشن نے ضیااللہ آفریدی کے خلاف تحریک انصاف کے سربراہ عمران خان کے ریفرنس کی سماعت 23نومبر تک ملتوی کردی ، ضیااللہ آفریدی کے وکیل لطیف کھوسہ نے ضیا اللہ آفریدی کی جانب سے جواب الیکشن کمیشن میںجمع کرایا اورکہا کہ عائشہ گلالئی ریفرنس کے فیصلے کا انتظار کررہے تھے، آئندہ سماعت پر دلائل دیں گے۔

(جاری ہے)

پیر کو ضیا اللہ آفریدی کے خلاف عمران خان کے ریفرنس پر چیف الیکشن کمیشن کی سربراہی میں پانچ رکنی بینچ نے سماعت کی۔ اس دوران ضیااللہ آفریدی کے وکیل لطیف کھوسہ الیکشن کمیشن میں پیش ہوئے اور انہوں نے ضیا اللہ آفریدی کی جانب سے جواب الیکشن کمیشن میںجمع کرایا ، چیف الیکشن کمشنر سردار محمد رضا خان نے سوال کیا کہ جواب جمع کرانے میں تاخیر کیوں کی،وکیل لطیف کھوسہ نے جواب دیا کہ عائشہ گلالئی ریفرنس کے فیصلے کا انتظار کررہے تھے، آئندہ سماعت پر دلائل دیں گے، الیکشن کمیشن نے کیس کی سماعت 23نومبر تک ملتوی کردی۔