پی ٹی آئی انٹر انتخابات ،ْ رائے حسن نواز کو مغربی پنجاب کا صدر بنانے کیخلاف مقدمات میں 13 نومبرتک جواب جمع کرانے کی مہلت

بدھ 8 نومبر 2017 15:59

اسلام آباد(اُردو پوائنٹ اخبارتازہ ترین - این این آئی۔ 08 نومبر2017ء) الیکشن کمیشن نے پی ٹی آئی انٹراپارٹی انتخابات کالعدم قراردینے اور رائے حسن نواز کو مغربی پنجاب کا صدر بنانے کیخلاف مقدمات میں تحریک انصاف کو 13 نومبرتک جواب جمع کرانے کی آخری مہلت دے دی۔الیکشن کمیشن میں تحریک انصاف انٹرا پارٹی انتخابات کالعدم قرار دینے سے متعلق کیس میں پی ٹی آئی کے وکیل بابر اعوان ایک بار پھر پیش نہ ہوئے۔

الیکشن کمیشن نے تحریک انصاف کو جواب جمع کرانے کیلئے آخری مہلت دیتے ہوئے کہا کہ 13 نومبر تک تحریک انصاف جواب جمع کرائے نہیں تو فیصلہ سنا دیں گے۔ الیکشن کمیشن نے پی ٹی آئی انٹرا پارٹی انتخابات کیس کی سماعت 13 نومبرتک ملتوی کر دی۔ پی ٹی آئی خیبرپختونخوا کے رہنما یوسف علی نے انٹراپارٹی انتخابات کیخلاف درخواست دے رکھی ہے۔

(جاری ہے)

نا اہلی کے باوجود رائے حسن نواز کو پی ٹی آئی مغربی پنجاب کا صدر بنانے سے متعلق کیس میں بھی تحریک انصاف نے جمع نہیں کرایا، رائے حسن نواز کے وکیل کی مزید وقت دینے کی استدعا پر رکن الیکشن کمیشن ارشاد قیصر نے کہا کہ دو بار موقع دیا گیا اب کیا آپ کا کیس خارج کر دیا جائی الیکشن کمیشن نے عمران خان، جہانگیر ترین کو جواب جمع کرانے کیلئے آخری نوٹس کرتے ہوئے سماعت 13 نومبر تک ملتوی کر دی۔