سندھ اسمبلی نے پی ٹی آئی کی جانب سے قبل از وقت انتخابات کرانے کے بیان کے خلاف قرارداد منظور کر لی

پی ٹی آئی کا قبل از وقت انتخابات اور اسمبلیاں تحلیل کرنے کا مطالبہ عوام کی رائے پر حملہ ہے، عمران خان مسلسل ناکامی کے بعد اب جمہوری سسٹم کے خلاف سازشیں کر رھے ہیں،نثار کھوڑو

پیر 6 نومبر 2017 19:16

سندھ اسمبلی نے پی ٹی آئی کی جانب سے قبل از وقت انتخابات کرانے کے بیان ..

کراچی(اُردو پوائنٹ اخبارتازہ ترین - آئی این پی۔ 06 نومبر2017ء) سندھ اسمبلی نے پی ٹی آئی کیجانب سے قبل از وقت اسمبلیاں تحلیل کرکے انتخابات کرانے کے مطالبے کو مسترد کرنے کی قرارداد منظور کرلی ہے۔ قرارداد سینیئر وزیر نثار کھوڑو نے پیش کی۔پاکستان پیپلز پارٹی کے سینئر وزیر نثار کھوڑو نے کہا کہ پی ٹی آئی کا قبل از وقت انتخابات اور اسمبلیاں تحلیل کرنے کا مطالبہ عوام کی رائے پر حملہ ہے۔

عوام نے آئین کے تحت 5سال کے لئے حکومت کو منتخب کیا ہے۔

(جاری ہے)

یہ ایک مائنڈ سیٹ ہے جو ایسے مطالبے کرکے عوام کی آئینی رائے پرحملہ کر رھے ہیں۔پی ٹی آئی کا یہ مطالبہ سسٹم کوثبوتاز کرنے کے مترادف ہے۔نثار کھوڑو نے کہا کہ ایوان پی ٹی آئی کے اس مطالبے کو مسترد کرکے مسترد کرتا ہے۔ پاکستان میں برسوں آمریت چلی۔ 70سالوں میں اس قابل ہوئے ہیں کے منتخب حکومت اپنی مدت پوری کر پائی ہیں۔ عمران خان خود کو لیڈر کہتاہے اور ووٹرز کی تذلیل کرتا ہے۔ یہ مطالبے پارلیمانی سسٹم کو کمزور کرنے کی سازش ہیں۔ سینئر وزیر نثار کھوڑو نے کہا کہ پی ٹی آئی جنرل مشرف کے ریفرینڈم کی حمایت کرکے پھر غیر آئینی عمل چاھتی ہے۔ عمران خان مسلسل ناکامی کے بعد اب جمہوری سسٹم کے خلاف سازشیں کر رھے ہیں۔