شناخت سے محروم ہوکر گمنامی میں جینا چاہتے ہیں نہ ہی مرنا ، آفاق احمد
وفاداری تبدیل کرنے پر گناہ د ھونے ہیں تو عدالتیں بند کردی جائیں،مردم شماری کا ریکارڈ مشتہر کیا جائے ،ْچیئرمین مہاجر قومی موومنٹ
پیر 6 نومبر 2017 18:21
(جاری ہے)
انہوں نے کہا میری قوم کا چہرہ منظم سازش کے تحت مسخ کرنے کی سازش کی گئی ہے ۔
میری قوم پڑھی لکھی مہذیب قوم ہے ہم تحریر تقریر دلائل کی سیاست پر یقین رکھتے ہیں اور اپنی قوم کی طرف سے میں حکومت کو پیش کش کرتا ہوں کہ وہ میری قوم کے بچوں سے مناظرہ کرے اور انہیں لفظ مہاجر سے دستبردار ہونے پر قائل کرلیں ۔ میں مناظرے کی نتائج کی روشنی میں مستقبل کے فیصلے کرنے کا پابند ہونگا۔ آفاق احمد نے کہا لندن میں بیٹھے کسی ایک شخص کی ملک دشمنی کی سزا پوری مہاجر قوم کو دی جارہی ہے جو قابل مذمت ہے اور کسی قیمت قبول نہیں۔ہم1991ء سے ملک دشمن سرگرمی سے عوام اور حکمرانوں کو آگاہ کرتے رہے ہیں۔ لیکن اس کے باوجود ہمارے ملک کے وزراء اور وزیر اعظم اور انکی ہدایت پر ہماری ایجنسیوں کے اعلیٰ آفسروں تک لندن میں انکی کمین گاہوں پر سجدہ ریز ہوتے رہے ہیں۔ آفاق احمد نے کہا ہم تو 1991ء سے الطاف کی ملک دشمن سرگرمیوں کی راہ میں دیوار بنے رہے لیکن2007ء میں اس ملک دشمن کی بھارت جاکر پاکستان کے خلاف زہر افشائی اور بھارت سے مدد مانگنے پر مہاجر قوم نے تو احتجاج کیا تھا ۔ لیکن بھارت میں پاکستانی سفیروں کو فون کر کے اس ملک تقریر کے بعد اس ملک دشمن کے اعزاز میں عشایئے کا اہتمام کرنے کا حکم مہاجر قوم نے نہیں اس وقت کے حاکم پرویز مشرف نے دیا تھا ۔ ملک دشمن کی سرپرستی یا سپورٹ کرنے کی سزا اس کے بجائے میری قوم کو دی جارہی ہے۔ آفاق احمد نے کہا بانیانِ پاکستان کی اولادوں کو اپنے بزرگوں کے بنائے ہوئے وطن سے دوسروں سے زیادہ محبت ہے ۔ انہیں اپنی وفاداری ثابت کرنے کی ضرورت نہیں۔ آفاق احمد نے کہا بغیر تنخواہ کے پاک فوج کے ساتھ ملک کا دفاع کرنے والے وہ پاکستانی جو آج بھی بنگلہ دیش کے 66کیمپوں میں کسمپرسی کی زندگی گزارنے کے باوجود پاکستانی جھنڈے لگائے پاکستان آنے کے منتظر ہیں وہ میری قوم کے لوگ ہیں جو اس ملک سے وفاداری اور محبت کی حیران کن مثال ہیں ۔ آفاق احمد نے شرکاء سے کہا کہ مردم شماری میں ایک منظم سازش کے تحت سندھ کے شہری ، علاقوں کی آبادی کم کر کے دکھائی گئی جو آبادی کے تناسب سے وسائل پر بننے والے ہمارے حق سے ہمیں محروم کرنے کی سازش ہے۔ اس سازش میں مردم شماری کے عملے نے بھی اپنا کردار ادا کیا اور سندھ کے شہروں میں بسنے والے غیر مہاجر بھائیوں نے بھی عصبیت کا مظاہرہ کیا انہوں نے کہا کہ پاکستان بھر سے آنے والے غیر مہاجر بھائی یہاں آکر سب سے پہلے یہاں کا ڈومیسائل حاصل کرتے ہیں اور یہاں ووٹرز لسٹ میں اپنا اندراج کراتے ہیں لیکن ان کی اکثریت مردم شماری میں اپنا اندراج اپنے آبائی علاقے میں کرواتے ہیں۔ تاکہ آبادی کے تناسب سے تقسیم ہونے والے وسائل میں ان کا حصہ ان کے ساتھ یہاں منتقل نہ ہوجائے ۔ انہوں نے کہا کہ میرے کارکنان نظریاتی ہیں اور ان پر مجھے فخر ہے میرے کارکنان کو بے جا گرفتار کر کے زیرِ حراست سرکاری جماعت میں جانے کے لیے کہا جارہا ہے بصورت دیگر ان پر دہشت گردی کے دفعات لگاکر جیلوں میں ٹھونسا جارہا ہے ۔ آفاق احمد نے کہا لندن میں مقیم ملک دشمن کی ہدایت پر جن دہشت گردوں نے میرے کارکنان کے قتل کیئے انہیں انصاف کے کٹہیرے میں لانے کی بجائے سرکاری سرپرستی میں بننے والے ٹولے میں شامل ہونے پر انہیں قانون سے بالاتر بنایا جارہاہے اس سرکاری ٹولے کے عہدے دار ٹی وی پر خود اعلانیہ کہہ رہے ہیں کہ جو ہمارے پاس آجاتا ہے اسے نہلا دھولا کر ہم اس کے گناہ دھو دیتے ہیں اور وہ پاک ہوجاتا ہے ۔ آفاق احمد نے کہا سیاسی وفاداریاں تبدیل کر کے اگرجرائم پیشہ افراد لٹیرے اور قاتلوں کے گناہ دھونے ہیں تو تمام عدالتوں کو بند کردیا جائے۔ اور جیلو ں کو مسمار کر کے کھیل کے میدان بنا دیئے جائیں ۔ آفاق احمد نے کہا مشرف دور میں بھی پیپلز پارٹی مسلم لیگ ن اور متحدہ کے لٹیروںاور دہشت گردوں کے لیے NROلایا گیا تھا ۔ جس کے زریعے قاتلوں اور ملکی وسائل لوٹنے والوں کے مقدمات واپس لے لیئے گئے تھے۔ جبکہ عام آدمی معمولی معمولی سے جرم پر جیلوں میں سڑ رہا تھا ۔ کیونکہ یہ قانون امتیازی تھا ہر خاص و عام کے لیے نہیں تھا ۔ اس لیے اسے سپریم کورٹ نے کالا قانون قرار دیا تھا۔ آج سیاسی وفاداری تبدیل کرواکر سرکاری سرپرستی میں بننے والے ٹولے میں بھیج کر گناہ دھونے کا عمل اس NROسے بھی گھنائونا ہے جسے سپریم کورٹ نے کالا قانون قرار دیا تھا۔ اس لیے اس گھنائونے عمل کا سپریم کورٹ از خود نوٹس لیں۔آفاق احمد نے کہا کہ ملک اس وقت بیرونی سازشوں اور خطرات سے گھرا ہو ا ہے یہ وقت عوام کو کمزور اور حقیر اور کم عقل سمجھنے کا نہیں ۔ انہیں عزت اور محبت دے کر متحد کرنے کا ہے ۔ کیونکہ ملکوں کا دفاع ہتھیار نہیں قومیں کرتی ہیں۔ اگر وہ انتشار کا شکار ہوں تو ہتھیار بے معنی ہوجاتے ہیں ۔ آفاق احمد نے کہا سی پیک منسوبے کے دفاع اور مخالف میں کراچی تختِ مشق بنے گا ۔ ہمیں اپنے اپنے خول میں بند رہنے کے بجائے متحد ہوکر اجتماعی جدوجہد کا جذبہ بیدار کرنا ہوگا۔ تاکہ حالات کا ملکر مقابلہ کیا جاسکے۔متعلقہ عنوان :
مزید اہم خبریں
-
ہتھیارکنٹرول کے دعویدارخود کئی ممالک کو ملٹری ٹیکنالوجی فراہمی میں استثنیٰ دے چکے ہیں، پاکستان
-
بتاؤ بلوچستان اسمبلی 80ارب روپے میں خریدی یا 100ارب روپے میں خریدی گئی؟
-
اطلاعات ہیں کہ آراوز سے بلینک فارم 45پر دستخط لے لئے گئے ہیں
-
وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
-
بانی پی ٹی آئی کا چیف جسٹس سپریم کورٹ فائزعیسی کے نام خط
-
ایک باپردہ گھریلو خاتون کو بیگناہ پابند سلاسل رکھا گیا ہے
-
ایکسپورٹ کنٹرول کے سیاسی استعمال کو مسترد کرتے ہیں، پاکستان کا امریکی اقدام پر ردعمل
-
دبئی میں سیلابی صورتحال کی وجہ مصنوعی بارش؟
-
ماہانہ 20 لاکھ روپے تک کی تنخواہ پر نئی تعیناتیوں کی راہ ہموار ہو گئی
-
پاکستان آئی ایم ایف کے طویل بیل آؤٹ پروگرام کا خواہاں ہے، وزیرخزانہ
-
عدالت کے حکم پر بشریٰ بی بی کا نجی اسپتال میں میڈیکل چیک اپ
-
پی آئی آے کے شیئر ہولڈرز کی اکثریت نے پی آئی اے ہولڈنگ کمپنی کے حق میں فیصلہ سنا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.