بیٹی کی جاب سے مرضٰ کی شادی پر باپ نے فیس بک پر ہزاروں افراد کے سامنے خودکشی کرلی

ہفتہ 28 اکتوبر 2017 19:57

انقرہ (اُردو پوائنٹ اخبارتازہ ترین - آن لائن۔ 28 اکتوبر2017ء) ترکی میں ایک شخص نے مرضی کے خلاف بیٹی کے شادی کرنے پر خودکشی کرلی اور اس منظر کو فیس بک پر لائیو بھی نشر کردیا۔

(جاری ہے)

غیرملکی خبررساں ادارے کے مطابق ترکی کے دارالحکومت انقرہ کے رہائشی ایان اوزو نے فیس بک پر لائیو کہا کہ میری بیٹی نے نہ مجھ سے کوئی مشورہ کیا اور نا ہی اجازت لی، بس ایک فون کرکے اپنی شادی کی خبر سنادی، میری بیٹی کا سسر میری جگہ اس کا وکیل بنا جبکہ یہ میرا حق تھا۔

اس بات نے میرا دل توڑ دیا ہے۔ اب میں مزید زندہ نہیں رہنا چاہتا۔ایان نے اسی دوران اپنے ہاتھ میں موجود پستول لہرانا شروع کردیا اور دوستوں کی جانب سے سمجھائے جانے کے باوجود اپنی زندگی کا خاتمہ کرلیا۔پولیس کا کہنا ہے کہ سوشل میڈیا پر خودکشی کا یہ ایک نیا کیس ہے تاہم موت کے حوالے سے مزید تحقیقات کررہے ہیں۔۔