Live Updates

عائشہ گلالئی کو رکن اسمبلی برقرار رکھنے کا فیصلہ چیلنج کریں گے ،ْفواد چوہدری کا اعلان

منگل 24 اکتوبر 2017 15:08

عائشہ گلالئی کو رکن اسمبلی برقرار رکھنے کا فیصلہ چیلنج کریں گے ،ْفواد ..
اسلام آباد (اُردو پوائنٹ اخبارتازہ ترین - این این آئی۔ 24 اکتوبر2017ء) پاکستان تحریک انصاف کے رہنما فواد چوہدری نے کہا ہے کہ عائشہ گلالئی کو رکن اسمبلی برقرار رکھنے کے الیکشن کمیشن کے فیصلے کو چیلنج کریں گے۔سپریم کورٹ کے باہر میڈیا سے بات کرتے ہوئے فواد چوہدری نے کہا کہ عائشہ گلالئی نے میڈیا کے سامنے تحریک انصاف چھوڑنے کا بیان دیا اور وہ تحریک انصاف کی خواتین کی نشست پر قبضہ کرکے بیٹھی ہوئی ہیں۔

فواد چوہدری نے کہا کہ عائشہ گلالئی کا ایک دن بھی اسمبلی میں رہنا تحریک انصاف کی خواتین کی حق تلفی اور توہین ہے اس لئے عائشہ گلالئی کے معاملے میں پاتال تک جائیں گے۔رہنما تحریک انصاف نے کہا کہ عائشہ گلالئی جس طرح کی باتیں کرتی ہیں شرم تو ان کے پاس سے نہیں گزری ،ْفیصلہ کیا ہے کہ عائشہ گلالئی کو اسمبلی میں غیر قانونی طور پر بیٹھنے نہیں دیں گے اور الیکشن کمیشن کا فیصلہ چیلنج کریں گے۔

(جاری ہے)

تحریک انصاف کے رہنما نے کہاکہ الیکشن کمیشن میں پیش ہورہے ہیں الیکشن کمیشن کو خود کو غیرمتنازع اور غیرجانبدار رکھنا ہوگا، سیاسی جماعتوں کا اعتماد نہیں ہوگا تو الیکشن کمیشن انتخابات کیسے کرائے گا۔فواد چوہدری نے عائشہ گلالئی کو مخاطب کرتے ہوئے کہا کہ جب آپ کو سیٹ چھوڑنے کے لیے کہا گیا تو سارے الزامات یاد آگئے ،ْان کی جانب سے لگائے جانے والے الزامات اخلاقی گراوٹ کا ثبوت ہیں۔2014 کے دھرنے کے دوران نوجوانوں میں منشیات فروخت کرنے کے الزام پر فواد چوہدری نے کہا کہ عائشہ گلالئی کی گاڑی بھی دھرنے میں آتی تھی تو کیا وہ بھی منشیات لارہی تھیں۔
Live پاکستان تحریک انصاف سے متعلق تازہ ترین معلومات