بھارت کا پاکستان میں گوتم بمبانوالے کی جگہ اجے بساریہ کونیا ہائی کمشنر مقررکرنے کافیصلہ

پو لینڈ میں بھارتی سفیر اجے بساریہ نومبر میں پاکستان میں بھارتی ہائی کمشنر کا عہدہ سنبھالیں گے،اجے بساریہ ہندی، انگریزی اورروسی زبان میں مہارت کے علاوہ وہ جرمنی اور پولش زبان بھی جانتے ہیں

منگل 24 اکتوبر 2017 13:20

بھارت کا پاکستان میں گوتم بمبانوالے کی جگہ اجے بساریہ کونیا ہائی کمشنر ..
اسلام آباد(اُردو پوائنٹ اخبارتازہ ترین - آئی این پی۔ 24 اکتوبر2017ء) بھارت نے پاکستان میں ہائی کمشنرگوتم بمبانوالے کی جگہ اجے بساریہ کونیا ہائی کمشنر مقررکرنے کافیصلہ کر لیا ، پو لینڈ میں بھارتی سفیر اجے بساریہ نومبر میں پاکستان میں بھارتی ہائی کمشنر کا عہدہ سنبھالیں گے۔ میڈیا رپورٹس کے مطابق گوتم بمبانوالے کو چین میں بھارت کا سفیر مقرر کیا جائے گا اور وہ 9 نومبر کو موجودہ ذمے داریوں سے سبکدوش ہوجائیں گے۔

ممبئی اور دہلی میں تعلیم حاصل کرنیوالے اجے بساریہ نے 1987میں بھارتی سول سروس میں شمولیت اختیار کی۔ انھوں نے دہلی یونیورسٹی کے سینٹ اسٹیفنزکالج سے 1980-83 میں اکنامکس میں بیچلرڈگری حاصل کی اورانڈین انسٹی ٹیوٹ آف مینجمنٹ کولکتہ سے 85 میں ایم بی اے کیا جبکہ 2008-09 میں امریکا کی پرنسٹن یونیورسٹی سے پبلک پالیسی میں ماسٹر ڈگری حاصل کی۔

(جاری ہے)

فارن سروس انسٹی ٹیوٹ نئی دہلی سے تربیت مکمل کرنے کے بعد اجے بساریہ نے روسی زبان میں مہارت حاصل کرنیکا انتخاب کیا، انھیں 1988-1991 تک 3 سال کیلیے ماسکو کے سفارتخانے میں تعینات کیا گیا۔

انھوں نے 1995-1999 کے دوران برلن میں بطور فرسٹ سیکریٹری خدمات سرانجام دیں۔جرمنی سے واپسی پر انھیں بھارتی وزیراعظم کے پرائیویٹ سیکریٹری کے طور پر تعینات کیاگیا اورانھوں نے 2004تک اس عہدے پر کام کیا۔جنوری 2015 میں انھیں پولینڈ میں بھارت کا سفیر مقرر کیا گیا۔اجے بساریہ ہندی، انگریزی اورروسی زبان میں مہارت کے علاوہ وہ جرمنی اور پولش زبان بھی جانتے ہیں اورانگریزی فکشن کے شوقین ہیں جب کہ ان کی اہلیہ ماہر ماحولیات اورلکھاری بھارتی چترویدی ہیں جوایک این جی اوچنتن کی بانی سربراہ ہیں۔

متعلقہ عنوان :