سندھ کے عوام نے کرپشن کے بادشاہ آصف زرداری اور انکے گروپ سے جان چھڑانے کا فیصلہ کرلیا، پیپلز پارٹی نے سندھ میں کرپشن کے ساتھ ساتھ تمام اداروں کو مفلوج کردیا ہے ،کراچی پاکستان کا معاشی حب ہے، حکمرانوں کی نا اہلی اور کرپشن کی وجہ سے معیشت تباہی کے دہانے پر پہنچ چکی، جب کراچی کا معاشی پہیہ چلتا ہے تو پاکستان چلتا ہے،ڈی سی ویسٹ پیپلز پارٹی کا نوکر بنا ہوا ہے وہ ضلع غربی کی عوام کے ساتھ اپنا دہرہ رویہ ترک کرے ،نوجوانوں کے ڈومیسائل اور پی آر سی کے مسائل کو ترجیحی بنیادوں پر حل کرے
پاکستان تحریک انصاف کے چیئرمین عمران خان کا ظہرانے سے خطاب
پیر 23 اکتوبر 2017 20:23
(جاری ہے)
اس موقع پر تاجر رہنما قاسم تیلی، زکریا عثمان ، محمد حادی خلیل اور دیگر تاجر برادری کے رہنما بڑی تعداد میں موجود تھے۔ عمران خان نے مزید کہا کہ جب ملک کی صنعتیں چلیں گی تو روزگار کے موقع فراہم ہوں گے۔ تحریک انصاف ایک مربوط معاشی پالیسی بنا رہی ہے اور معیشت کو اپنے پیروں پر کھڑا کرنا ہماری اولین ترجیحات میں شامل ہے۔
چیئرمین عمران خان نے تاجر برادری کی تقریب کے بعد سائٹ ٹائون میٹروول باب خیبر پر پارٹی کی پرچم کشائی کی تقریب سے خطا ب کرتے ہوئے کہا کہ سندھ کے عوام نے فیصلہ کرلیا ہے کہ وہ مزید کرپشن کے بادشاہ آصف زرداری اور انکے گروپ سے جان چھڑانا چاہتے ہیں ۔ پیپلز پارٹی نے سندھ میں کرپشن کے ساتھ ساتھ تمام اداروں کو مفلوج کردیا ہے۔ انہوں نے کہا کہ ضلع غربی کی عوام اور خصوصا پختونوں کے ساتھ نادرا حکام کا رویہ انتہائی نا مناسب اور متعصبانہ ہے۔ ڈی سی ویسٹ پیپلز پارٹی کا نوکر بنا ہوا ہے وہ ضلع غربی کی عوام کے ساتھ اپنا دہرہ رویہ ترک کریں اور ضلع غربی کے نوجوانوں کے ڈومیسائل اور پی آر سی کے مسائل کو ترجیحی بنیادوں پر حل کریں ۔اگر ڈی سی ویسٹ اور نادرا حکام نے اپنا متعصبانہ رویہ درست نہیں کیا تو تحریک انصاف کے کارکنان اور ضلع غربی کے عوام مل کران دونوں کے خلاف شدید احتجاج کریں گے۔ اس موقع پر تحریک انصاف کے رہنما اسد عمر، فردوس نقوی ،علی زیدی ، عمران اسماعیل، خرم شیر زمان ،ضلع غربی کے صدر سبحان علی ساحل، دوا خان صابر، سعید آفریدی اور دیگر نے بھی خطاب کیا۔ چیئرمین عمران خان نے مزید کہا کہ نواز شریف اور آصف زرداری کا سیاسی کھیل ختم ہوچکا ہے۔ جس طرح نواز شریف آج اپنے سیاسی مستقبل کی بھیک مانگ رہا ہے اسی طرح آصف علی زرداری بھی بہت جلد یہ نعرہ لگائے گا کہ مجھے کیوں نکالا۔ اس وقت پوری قوم احتساب چاہتی ہے ۔ قوم کسی اور کے نعرے کے متحمل نہیں ہوسکتے۔ پاکستانی قوم کرپشن اور لوٹ مار کے خلاف متحد ہوچکی ہے ، وہ کسی زرداری یا بلاول کے کھوکھلے نعروں میں نہیں آئیں گے۔ تحریک انصاف نے خیبر پختونخواہ میں اپنے چار سالہ دورحکومت میں ثابت کردیا کہ اس ملک کو صرف دیانتدار اور ایماندار قیادت ہی ترقی کی راہ پر گامزن کرسکتی ہے۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.