سعودی خواتین نقاب سے متعلق آسٹریا کے نئے قانون کا احترام کریں ،ْ سعودی وزارت داخلہ

پیر 23 اکتوبر 2017 15:30

ریاض (اُردو پوائنٹ اخبارتازہ ترین - این این آئی۔ 23 اکتوبر2017ء) سعودی وزارت داخلہ نے آسٹریا سفر کرنے والی سعودی خواتین کو تاکید کی ہے کہ وہ نقاب سے متعلق آسٹریا کے نئے قانون کا احترام کریں۔

(جاری ہے)

عرب میڈیا کے مطابق آسٹریا نے یکم اکتوبر2017 ء سے پبلک مقامات پر نقاب لینے پر پابندی عائد کردی ہے اور پابندی آسٹریا سمیت وہاں آنے والے تمام ممالک کے سیاحوں پر بھی نافذ کی ہیں۔ آسٹریا میں نافذ کردہ نئے قانوں کے مطابق جو خاتون خلاف ورزی کی مرتکب ہوگی اس کو 150یورو کا جرمانہ جبکہ خلاف ورزی دہرانے پر قید کی سزا بھی ہوگی۔