پیپلزپارٹی کایوم تاسیس جوش وجذبہ سے منائیں گے ‘یوم تاسیس سے پاکستان وآزادکشمیر کی سیاست میں واضح نکھارآئیگا

پیپلزپارٹی کے مرکزی راہنما وآزادجموں وکشمیر کے سابق وزیر قانون سید اظہر حسین گیلانی کی بات چیت

اتوار 22 اکتوبر 2017 15:51

مظفرآباد(اُردو پوائنٹ اخبارتازہ ترین - آئی این پی۔ 22 اکتوبر2017ء) پاکستان پیپلزپارٹی کے مرکزی راہنما وآزادجموں وکشمیر کے سابق وزیر قانون سید اظہر حسین گیلانی نے کہاہے کہ پیپلزپارٹی کایوم تاسیس جوش وجذبہ سے منائیں گے ، پی پی کے یوم تاسیس سے پاکستان وآزادکشمیر کی سیاست میں واضح نکھارآئے گا۔ پاکستان پیپلزپارٹی پاکستان وآزادکشمیر میں نئی تنظیم سازی کے بعد کارکنوں کیساتھ گراس روٹ لیول پر مہم چلاکر آئندہ کی راہ ہموار کریگی ۔

آصف علی زرداری ، بلاول بھٹو اور فریال تالپور کی قیادت میں آئندہ دور پاکستان پیپلزپارٹی کاہوگا۔کشمیری وفادارقوم ہیں آئندہ انتخابات میں پی ٹی آئی ، ن لیگ ، اور مسلم کانفرنس سمیت دیگر جماعتوں کاصفایا کریگی ۔انشاء اللہ وہ وقت دور نہیں کہ جب مملکت پاکستان وآزادکشمیر کے اندر ہر آدمی راج کریگا۔

(جاری ہے)

ان خیالات کااظہار انہوں نے گزشتہ روز اسلام آباد میں ان کی عیادت کیلئے جانیوالے پیپلزپارٹی کے ورکروں نیلم سے پیرزادہ برادران کی قیادت میں ملنے والے وفد سے گفتگو کررہے تھے انہوں نے کہاکہ پیپلزپارٹی کا آنیوالا یوم تاسیس پاکستان وآزادکشمیر سے سیاسی صورتحال کو بدل کررکھ دیگا۔

انہوں نے کہا کہ ن لیگ آزادکشمیر میں عوامی مسائل کے حل میں ناکام ہوچکی ہے ۔ آزادکشمیر سے ہزاروں پیپلزپارٹی کے جیالے یوم تاسیس کے موقع پر اسلام آباد میں شرکت کرینگے اسلام آباد ، پنڈی کے گردونواح میں بسنے والے کشمیریوں بھی پی پی کے یوم تاسیس میں کثیر تعداد میں شرکت کرینگے ۔