شیخوپورہ ،3مسلح موٹر سائیکل ڈاکوئوں کی پولیس اہلکاروں پر فائرنگ ڈ،رائیور اورکانسٹیبل گولیاں لگنے سے شدید زخمی

ہفتہ 21 اکتوبر 2017 23:20

شیخوپورہ(اُردو پوائنٹ اخبارتازہ ترین - آئی این پی۔ 21 اکتوبر2017ء) تھانہ سٹی بی ڈویژن کے علاقہ رسولنگر پھاٹک کے قریب3مسلح موٹر سائیکل ڈاکوئوں کی پولیس اہلکاروں پر فائرنگ ڈرائیور اورکانسٹیبل گولیاں لگنے سے شدید زخمی ہوگئے جن کو تشویشناک حالت میں ڈسٹرکٹ ہسپتال شیخوپورہ کے ایمرجنسی میں منتقل کردیا گیا جہاں پران کو طبی امداد فراہم کی جارہی ہے بتایا گیا ہے کہ ڈاکومذکورہ پھاٹک کے قریب لوٹ مارکررہے تھے جن کی اطلاع ملتے ہی پولیس اہلکا رجائے واردات پر پہنچے تو مسلح موٹر سائیکل سوارڈاکوئوں نے پولیس پارٹی کو دیکھتے ہی اندھا دھند فائرنگ کردی گولیوں کی زدمیں آکر پولیس کانسٹیبل مقبول اورڈرائیور سیف گولیاں لگنے سے شدید زخمی ہوگئے جن کو ریسکیواہلکاروں نے ڈسٹرکٹ ہسپتال کے ایمرجنسی میں منتقل کردیا ہے جہاں پردونوں پولیس اہلکاروں کوطبی امداد فراہم کی جارہی ہے جبکہ ڈی پی او شیخوپورہ سرفراز احمد خان ورک،ڈی ایس پی سٹی اور سکیورٹی انچارج میاں منظور احمد پولیس کی بھاری نفری کے ہمراہ ڈسٹرکٹ ہسپتال شیخوپورہ میں زخمی ہونے والے جوانوں کی تیمارداری کے لیے پہنچ چکے ہیں جبکہ فرار ہونے والے ڈاکوئوں کی گرفتاری کے لیے شہر بھر کی ناکہ بندی کردی گئی ہے۔