فیصل آباد چیمبر کے صدرکا مکران اور گوادر پورٹ کی بجلی کی ضروریات کو پورا کرنے کیلئے ایران سے مزید 100 میگا واٹ بجلی فوری طور پر خریدنے کا خیر مقدم

ہفتہ 21 اکتوبر 2017 21:00

فیصل آباد ۔ (اُردو پوائنٹ اخبارتازہ ترین - اے پی پی۔ 21 اکتوبر2017ء) فیصل آباد چیمبر آف کامرس اینڈانڈسٹری کے صدر شبیر حسین چاولہ نے مکران اور گوادر پورٹ کی بجلی کی ضروریات کو پورا کرنے کیلئے ایران سے مزید 100 میگا واٹ بجلی فوری طور پر خریدنے کا خیر مقدم کیا ہے۔ جس سے ان علاقوں میں گھریلو ضروریات کو پورا کرنے کے علاوہ صنعتی اور کاروباری سرگرمیوں میں بھی تیزی آئے گی۔

(جاری ہے)

انہوں نے کہا کہ پاکستان بلوچستان کے ان علاقوں کی ضروریات کو پورا کرنے کیلئے پہلے ہی ایران سے 100 میگا واٹ بجلی خرید رہا ہے جبکہ ایران مزید ایک سو میگا واٹ بجلی بیچنا چاہتا ہے۔ انہوں نے اس سلسلہ میں وزیر اعظم شاہد خاقان عباسی کی طرف سے 100 میگا واٹ بجلی کو لانے کیلئے ٹرانسمیشن لائن اور گرڈ اسٹیشن کی تعمیر کا فوری حکم دینے کو بھی سراہا اور کہا کہ اس کے ساتھ ساتھ اس علاقے کو نیشنل گرڈ سے بھی ملایا جائے تاکہ آئندہ سال جب پاکستان کے پاس فاضل بجلی ہو تو ہم ان علاقوں کو بھی اپنی بجلی سپلائی کر سکیں اور ہمیں ایران سے بجلی درآمد کرنے کی ضرورت نہ پڑے۔

متعلقہ عنوان :