پاکستان کا آئندہ ماہ شیڈول آئی بی ایس ایف ورلڈ سنوکر چیمپئن شپ کیلئے ٹیم کا اعلان

سے 27 نومبر تک دوحہ میں ہونے والی چیمپئن شپ میں اسجد، آصف، مبشر، محمد نسیم، عمران شہزاد، محمد یوسف اور خرم حسین آغا ایکشن میں دکھائی دیں گے

ہفتہ 21 اکتوبر 2017 19:44

پاکستان کا آئندہ ماہ شیڈول آئی بی ایس ایف ورلڈ سنوکر چیمپئن شپ کیلئے ..

اسلام آباد ۔ (اُردو پوائنٹ اخبارتازہ ترین - اے پی پی۔ 21 اکتوبر2017ء) پاکستان بلیئرڈ اینڈ سنوکر ایسوسی ایشن (پی بی ایس ای) نے آئندہ ماہ قطر میں شیڈول آئی بی ایس ایف ورلڈ سنوکر چیمپئن شپ کیلئے ٹیم کا اعلان کر دیا، پاکستانی ٹیم مینز اینڈ ماسٹرز ایونٹس کے مقابلوں میں اپنی صلاحیتوں کے جوہر دکھائے گی، ایونٹ 17 سے 27 نومبر تک دوحہ، قطر میں شیڈول ہے۔

(جاری ہے)

ہفتے کو پی بی ایس اے کی طرف سے جاری کردہ تفصیلات کے مطابق ایسوسی ایشن نے آئی بی ایس ایف ورلڈ چیمپئن شپ کیلئے حتمی ٹیم کا اعلان کر دیا ہے، چار کیوئسٹس مینز جبکہ تین کیوئسٹس ماسٹرز کیٹگریز میں پاکستان کی نمائندگی کریں گے، اسجد اقبال محمد آصف، مبشر رضا اور محمد نسیم اختر مینز جبکہ عمران شہزاد، محمد یوسف اور خرم حسین آغا ماسٹرز کیٹگریز میں حصہ لیں گے، ایونٹ کی تیاری کے سلسلے میں قومی ٹیم کا تربیتی کیمپ 7 سے 16 نومبر تک گلستان جوہر کراچی میں منعقد ہو گا، کیمپ کے اختتام کے بعد ٹیم ایونٹ میں شرکت کیلئے قطر روانہ ہو گی۔