ساتواں سلطان آف جوہر جونیئر ہاکی کپ کا آغاز (آکل) ہو گا، چھ ٹیمیں ایکشن میں نظر آئیں گی

ہفتہ 21 اکتوبر 2017 17:29

جوہڑ باڑو ۔ (اُردو پوائنٹ اخبارتازہ ترین - اے پی پی۔ 21 اکتوبر2017ء) ساتواں سلطان آف جوہر جونیئر ہاکی کپ کا آغاز (آکل) اتوار سے ملائیشیا کے شہر جوہر باڑو میں ہو رہا ہے جس میں چھ ٹیمیں ٹائٹل کے حصول کیلئے ایکشن میں دکھائی دیں گی۔

(جاری ہے)

29 اکتوبر تک جاری رہنے والے ایونٹ میں شریک ٹیموں میں آسٹریلیا، برطانیہ، بھارت، جاپان، امریکہ اور میزبان ملائیشیا شامل ہیں، ایونٹ کے ابتدائی روز تین میچز کھیلے جائیں گے، افتتاحی میچ میں بھارت کا مقابلہ جاپان، دوسرے میچ میں آسٹریلیا کا مقابلہ امریکہ اور تیسرے میچ میں ملائیشیا کا مقابلہ برطانیہ سے ہو گا، 23 اکتوبر کو بھی تین میچز کھیلے جائیں گے، 24 اکتوبر کو آرام کا دن ہو گا اس کے اگلے دو روز تین، تین میچز شیڈول ہیں، 27 اکتوبر کو آرام کا دن ہو گا، 28 اکتوبر کو آخری تین میچز شیڈول ہیں جس کے بعد فائنل، تیسری اور پانچویں پوزیشن کیلئے میچز 29 اکتوبر کو کھیلے جائیں گے۔

Facebook Twitter Google + Share on Whatsapp

ساتواں سلطان آف جوہر جونیئر ہاکی کپ کا آغاز (آکل) ہو گا، چھ ٹیمیں ایکشن میں نظر آئیں گی

متعلقہ عنوان :

مزید کھیلوں کی خبریں