ملک کے ہرگرانڈ کو تمام ترسہولیات فراہم نہیں کی جاسکتیں،نجم سیٹھی

ہفتہ 21 اکتوبر 2017 14:40

ملک کے ہرگرانڈ کو تمام ترسہولیات فراہم نہیں کی جاسکتیں،نجم سیٹھی
․کراچی(اُردو پوائنٹ اخبارتازہ ترین - آئی این پی۔ 21 اکتوبر2017ء) چیئرمین پی سی بی نجم سیٹھی نے کہا ہے کہ ملک کے ہرگرانڈ کو تمام ترسہولیات فراہم نہیں کی جاسکتیں،اسلام آباد اسٹیڈیم پر بورڈ کے بے تحاشہ اخراجات ہورہے ہیں جو کسی طور سود مند نہیں۔کرکٹ بورڈ کے سربراہ نے کہا ڈومیسٹک سیزن کھیلنے والے کرکٹرز کودوران مقابلہ مناسب سہولیات درکار ہوتی ہیں۔

(جاری ہے)

لاڑکانہ کے گڑھی خدابخش کرکٹ اسٹیڈیم پر بھی مطلوبہ سہولیات کی فراہمی ممکن نہیں، دوسری جانب اسلام آباد اسٹیڈیم پر وزارت ماحولیات کے اعتراضات سامنے آئے ہیں۔ اس میدان پر بورڈ کے بے تحاشہ اخراجات ہورہے ہیں جو کسی طور سود مند نہیں۔نجم سیٹھی نے کہا بورڈ کے نظام میں تمام 16 ریجنز کو بھرپور نمائندگی کا حق مل رہا ہے، تاہم بڑے ریجن کی خواہش ہے کہ ان ریجنزکی تعداد میں کمی لائی جائے، پی سی بی کے بورڈ آف گورنرز میں ہر ریجن کو ترتیب وار نمائندگی دینے کے فیصلے پر قائم ہیں۔