بھارت کو دنیا کا آلودہ ترین ملک قرار دیدیا گیا، 2015ء میں ماحولیاتی آلودگی سے 25 لاکھ ہلاکتیں

ہفتہ 21 اکتوبر 2017 01:50

لندن ۔ (اُردو پوائنٹ اخبارتازہ ترین - اے پی پی۔ 21 اکتوبر2017ء) ماحولیاتی آلودگی کے اعتبار سے بھارت کو دنیا کا آلودہ ترین ملک قرار دیدیا گیا۔ آلودگی کے حوالے سے برطانوی ادارے لینٹ میڈیکل جرنل کی رپورٹ میں انکشاف کیا گیا ہے کہ 2015ء میں دنیا بھر میں 90 لاکھ افراد ماحولیاتی آلودگی کے باعث ہلاک ہوئے۔

(جاری ہے)

آلودگی سے ہلاک ہونے والوں کی فہرست میں بھارت کا پہلا نمبر ہے جہاں 2015ء میں 25 لاکھ افراد ماحولیاتی آلودگی کی وجہ سے زندہ رہنے کا حق کھو بیٹھے۔