محکمہ ریلوے اور سندھ حکومت کی اندرونی چپقلش

کراچی سرکلر ریلوے منصوبے کا مقررہ وقت پر سنگ بنیاد کھٹائی میں پڑ گیا

جمعہ 20 اکتوبر 2017 20:45

کراچی (اُردو پوائنٹ اخبارتازہ ترین - آئی این پی۔ 20 اکتوبر2017ء) کراچی کا سب سے بڑا ٹرانسپورٹ منصوبہ سرکلر ریلوے شہریوں کیلئے اب بھی ایک خواب، محکمہ ریلوے اور سندھ حکومت کی چپقلش سرکلر ریلوے کے ٹریک پر تجاوزات ختم نہ کرسکی۔ مقررہ وقت پر منصوبے کا سنگ بنیاد کھٹائی میں پڑگیا۔

(جاری ہے)

محکمہ ریلوے اور سندھ حکومت کی چپقلش کے باعث منصوبے کی راہ سے تجاوزات ختم نہ کی جاسکیں۔ 43 کلومیٹر ٹریک پر صرف 30 فیصد تجاوزات ختم کی جاسکیں، ریلوے حکام کے مطابق منصوبے پر کام کیلئے مشترکہ کمیٹی بنائی گئی ہے، ڈپٹی کمشنر ضلع شرقی نے کہا ہے کہ آپریشن ریلوے کی درخواست پر روکا گیا، کام نہ ہونے کا ذمہ دار محکمہ ریلوے ہے، وزیراعلیٰ سندھ کی دی گئی تاریخ 25 دسمبر کو منصوبے کا سنگ بنیاد مشکل نظر آرہا ہے۔