کوئٹہ دھماکے میں شہید 7 پولیس اہلکاروں کو آبائی علاقوں میں سپرد خاک کر دیا گیا

جمعرات 19 اکتوبر 2017 22:28

کوئٹہ (اُردو پوائنٹ اخبارتازہ ترین - این این آئی۔ 19 اکتوبر2017ء) کوئٹہ دھماکے میں شہید 7 پولیس اہلکاروں کو آبائی علاقوں میں سپرد خاک کر دیا گیا۔ترجمان پولیس کے مطابق نیو سریاب میں قومی شاہراہ پر گزشتہ روز ہونے والے دھماکے میں شہید ہونے والے 7 پولیس اہلکاروں کو آبائی علاقوں میں سرکاری اعزاز کے ساتھ سپرد خاک کیا گیا ہے۔

(جاری ہے)

شہید اہلکاروں کا تعلق نصیرآباد، صحبت پور، مانجھی پور اور اوستہ محمد سمیت مختلف علاقوں سے تھا۔

شہید اہلکاروں کی نماز جنازہ گزشتہ روز پولیس لائن میں ادا کی گئی تھی۔خیال رہے کہ گزشتہ روز نیو سریاب میں قومی شاہراہ پر ایلیٹ فورس کا ٹرک 29 اہلکاروں کو لے کر اپنے معمول کے مطابق اسی سڑک پر رواں دواں تھا کہ اچانک ٹرک کے قریب زوردار دھماکا ہوا اور ٹرک مکمل طور پر جل کر خاکستر ہوگیا۔