(ن) کے سابق رکن قومی اسمبلی دوست محمد خان کی آصف زرداری سے ملاقات ،پیپلز پارٹی میں شمولیت کا اعلان

جمعرات 19 اکتوبر 2017 21:52

(ن) کے سابق رکن قومی اسمبلی دوست محمد خان کی آصف زرداری سے ملاقات ،پیپلز ..
لاہور(اُردو پوائنٹ اخبارتازہ ترین - این این آئی۔ 19 اکتوبر2017ء) مسلم لیگ (ن) کے سابق رکن قومی اسمبلی دوست محمد خان نے سابق صدر آصف علی زرداری سے ملاقات کرکے پیپلز پارٹی میں شمولیت کا اعلان کر دیا ۔خیبر پختوانخواہ سے (ن) لیگ کے رہنما دوست محمد خان نے بلاول ہائوس لاہور میں آصف علی زرداری سے ملاقات کی ۔ اس موقع پر راجہ پرویز اشرف اور دیگر بھی موجود تھے ۔

(جاری ہے)

ملاقات میں ملک کی مجموعی صورتحال اور آئندہ کے لائحہ عمل کے حوالے سے بھی تبادلہ خیال کیا گیا ۔آصف علی زرداری نے دوست محمد خان کی پیپلز پارٹی میں شمولیت پر خوش آئند قرار دیتے ہوئے کہا کہ انشا اللہ پنجاب، بلوچستان اور خیبر پختوانخواہ سمیت پورے ملک سے کامیابی حاصل کریں گے ۔ انہوں نے کہا کہ موجودہ حکومت نے ملک کو ہر لحاظ سے تباہی کے دہانے پر پہنچا دیا ہے لیکن اس کے باوجود عوام کی آنکھوں میں دھول جھونکی جارہی ہے۔