ڈسٹرکٹ اینڈ سیشن جج شرقی نے عدالتی حکم عدولی کے مرتکب 16پولیس افسران واہلکاروں کی گرفتاری کا حکم دے دیا

جمعرات 19 اکتوبر 2017 17:42

کراچی(اُردو پوائنٹ اخبارتازہ ترین - این این آئی۔ 19 اکتوبر2017ء)ڈسٹرکٹ اینڈ سیشن جج شرقی نے عدالتی حکم عدولی کے مرتکب 16پولیس افسران واہلکاروں کی گرفتاری کا حکم دے دیاہے۔جمعرات کوعدالت نے پولیس افسران واہلکاروں کی گرفتاری کے لیے ایس ایس پیز کو احکامات جاری کیئے ہیں۔عدالتی حکم میں کہا گیا ہے کہ 16پولیس افسران و اہلکاروں کی تنخواہیں بھی روکی جائیں۔

(جاری ہے)

پولیس افسران و اہلکاروں کی مسلسل عدم حاضری کے باعث قتل اسلحہ ایکٹ کے درجنوں مقدمات التوا کا شکار ہیں عدالت کی جانب سے متعدد بار طلبی کے نوٹسز اورشوکاز جاری کیے گیے ،پولیس افسران و اہکاروں میں سی آئی ڈی کے انسپکٹر اشرف گوندل، تھانہ کورنگی کے انسپکٹر اکبر حمید غوری،سب انسپکٹر غلام سرور ،مہر دین اورمحمد عرس شامل ہیں۔سی آئی ڈی اپریشن گارڈن کے انسپکٹر راجہ عارف ،نعیم، اہلکارنعمان ،راشد اور ایف ایس ایل ایکسپرٹ افسرگارڈن، تھانہ کورنگی کے ذاکر علی،ارشد لودھی اورجاوید احمدشامل ہیں۔