دبئی میں انٹرسیک کے نام سے بین الاقوامی نمائش آئندہ سال جنوری میں منعقد ہوگی،

پاکستان سمیت درجنوں ممالک کی کمپنیوں کی شرکت متوقع

جمعرات 19 اکتوبر 2017 14:08

اسلام آباد ۔ (اُردو پوائنٹ اخبارتازہ ترین - اے پی پی۔ 19 اکتوبر2017ء) دبئی میں انٹرسیک کے نام سے بین الاقوامی نمائش آئندہ سال جنوری میں منعقد ہوگی جس میں پاکستان سمیت درجنوں ممالک کی کمپنیوں کی شرکت متوقع ہے۔

(جاری ہے)

نمائش میں سیفٹی اینڈ ہیلتھ پروٹیکشن آلات، کیمیکل پروٹیکشن سوٹس، حفاظتی لباس، خصوی مقاصد کیلئے استعمال ہونے والا لباس، لائف جیکٹس، کارپوریٹ وئیر و یونیفارم، خطرے کے نشانات، سیفٹی گلاس، ابتدائی طبی امداد کے آلات، دھماکوں سے بچائو کے آلات، گیس مانیٹرنگ، عمارت سازی کے دوران حفاظتی آلات، روڈ سیفٹی سمیت درجنوں شعبوں میں استعمال ہونے والے سیفٹی آلات و مصنوعات پیش کئے جا سکتے ہیں۔ نمائش تین روز تک جاری رہے گی۔