وزیر داخلہ سندھ سہیل انور خان سیال کا سانحہ کارساز کے شہداء کو برسی کے موقع پر خراج عقیدت پیش

بدھ 18 اکتوبر 2017 21:19

وزیر داخلہ سندھ سہیل انور خان سیال کا سانحہ کارساز کے شہداء کو برسی ..
کراچی(اُردو پوائنٹ اخبارتازہ ترین - آن لائن۔ 18 اکتوبر2017ء) وزیر داخلہ سندھ سہیل انور خان سیال نے سانحہ کارساز کے شہداء کو برسی کے موقع پر خراج عقیدت پیش کرتے ہوئے کہا ہے کہ تمام ترخطرات اور دھمکیوں کے باوجود جب ملک کی عوام کو ظلم کی زنجیروں سے نجات دلانے کے لئے بینظیر بھٹو شہید پاکستان تشریف لائیں تو بزدلوں نے شرپسندانہ کارروائی کے ذریعے امن کو تباہ کرنا چاہا مگر سلام ہے ان جانثاروں کو جنہوں نے اپنی قیمتی جانوں کا نذرانہ پیش کرکے جمہوریت اور بی بی شہید کی حفاظت کی اور تاریخ میں امر ہوگئے ۔

(جاری ہے)

سہیل انور خان سیال نے مزید کہا کہ اپنی شہید اور عظیم والدہ کے ہونہار سپوت بلاول بھٹو زردای کا فلسفہ جمہوریت آج پوری آب و تاب کے ساتھ دن بدن وسعت اختیار کرتا جارہا ہے اور عنقریب ملک میں حقیقی جمہوری اقدار اور رویوں کا بول بالا ہوگا اور ظلم کا نظام اپنے انجام کو پہنچ جائے گا۔#

متعلقہ عنوان :