پانچویں عالمی بلائنڈ کرکٹ کپ کی تیاری کیلئے قومی کھلاڑیوں کے تربیتی کیمپ کے دوسرے مرحلے کا آغاز 22 اکتوبر سے ہوگا

اسلام آباد(اُردو پوائنٹ اخبارتازہ ترین - آن لائن۔ 18 اکتوبر2017ء) پاکستان بلائنڈ کرکٹ کونسل کے زیر اہتمام پانچویں عالمی بلائنڈ کرکٹ کپ کی تیاری کیلئے قومی کھلاڑیوں کے تربیتی کیمپ کے دوسرے مرحلے کا آغاز 22 اکتوبر سے ہوگا۔ تربیتی کیمپ فیصل آباد کے اقبال سٹیڈیم میں شروع ہو گا۔ پاکستان بلائنڈ کرکٹ کونسل کے چیئرمین سید سلطان شاہ نے کہا کہ ورلڈ کپ کی تیاری کیلئے تربیتی کیمپ میں اوکاڑہ کیمپ سے شارٹ لسٹ شدہ 23 کھلاڑیوں کو مدعو کیا گیا ہے جن کھلاڑیوں کو مدعو کیا گیا ہے ان میں عامر اشفاق، ظفر اقبال، محمد ایاز، ریاست خان، محمد آصف، محمد اسامہ، ہارون خان، معین علی، بدر منیر، انیس جاوید، نثار علی، محمد ایوب خان، ذیشان عباسی، محمد جمیل، محسن خان، اسرار الحسن، محمد اعجاز، مطیع اللہ، محمد راشد، کامران اختر، ثنا اللہ اور راہد اللہ شامل ہیں۔

(جاری ہے)

کھلاڑیوں کو کوچ عبدالرزاق اور ٹرینر طاہر محمود بٹ تربیت دیں گے۔ انہوں نے کہا کہ ورلڈ کپ کیلئے ہم نے تربیتی کیمپ کو تین مرحلوں میں تقسیم کیا ہے۔ پہلا تربیتی کیمپ 9 سے 15 ستمبر کو اوکاڑہ میں، دوسرا 22 سی29 ستمبر کو فیصل آباد اور حتمی ٹیم کا تیسرا کیمپ کراچی میں لگایا جائے گا۔ انہوں نے کہاکہ ورلڈ کپ کیلئے 17 رکنی حتمی ٹیم کا نومبر کے پہلے ہفتے میں اعلان کر دیا جائے گا۔۔