کراچی؛خواتین پر حملے، ضلع وسطی میں25خواتین اہلکار تعینات

ایف بی ایریا بلاک 9 میں تیز دھار آلے کے حملے سے زخمی ہونے والی 15سالہ اریج پرحملے کی تفتیش میں کوئی پیشرفت نہیں ہوسکی ہے، تفتیشی حکام

بدھ 18 اکتوبر 2017 15:22

کراچی؛خواتین پر حملے، ضلع وسطی میں25خواتین اہلکار تعینات
کراچی(اُردو پوائنٹ اخبارتازہ ترین - این این آئی۔ 18 اکتوبر2017ء) کراچی میں تیزدھار آلے سے حملے کے وار جاری ہیں،کراچی کے مختلف علاقوں میں سیکیورٹی انتظامات بڑھادیئے گئے ہیں، ضلع وسطی میں 25 خواتین اہلکار کو مختلف مقامات پر تعینات کر دیا گیا ہے۔

(جاری ہے)

کراچی کے علاقے ایف بی ایریا بلاک 9 میں تیز دھار آلے کے حملے سے زخمی ہونے والی 15سالہ اریج پرحملے کی تفتیش میں کوئی پیشرفت نہیں ہوسکی ہے، تفتیشی حکام کے مطابق اریج کے بھائی نے اپنے بیان میں 125موٹر سائیکل پر سوار ہیلمٹ پہنے حملہ آوور کا ذکر کیا ہے، تاہم حملے کی جگہ سے ہی سی سی ٹی وی کیمرا ملا اور نہ ہی روٹ کی سی سی ٹی وی فوٹیج میں ملزم کی نشاندہی ہو سکی ہے۔

دوسری جانب ضلع وسطی میں 25 سادہ لباس خواتین پولیس اہلکاروں کو تعینات کردیا گیاہے جبکہ 50 پولیس اہلکاروں کی اضافی نفری بھی تعینات کی گئی ہے۔اس کے علاوہ ضلع شرقی سے وسطی کے داخلی اور خارجی راستوں پر رش کے اوقات میں ایس ایچ او اور ایس ڈی پی او سطح کے افسران کڑی نگرانی کریں گے۔ڈی آئی جی شرقی سلطان خواجہ کے مطابق منڈی بہائولدین سے گرفتار ہونے والے ملزم وسیم کو کراچی لانے کیلئے قانونی تقاضے پورے کئے جارہے ہیں،تاہم ملزم وسیم کے بیانات سے شبہ ہوتا ہے کہ وہ خواتین پر حملے میں ملوث نہیں ہے۔

متعلقہ عنوان :