مفتی عبدالقوی فرار نہیں ہوئے ،میڈیا غلط رنگ دے رہا ہے ،
تازہ ترین : 1
مفتی عبدالقوی فرار نہیں ہوئے ،میڈیا غلط رنگ دے رہا ہے ،

مفتی عبدالقوی فرار نہیں ہوئے ،میڈیا غلط رنگ دے رہا ہے ،

وہ جھنگ میں عرس کی تقریب میں شرکت کیلئے گئے ہیں،آج ضمانت کیلئے ہائیکورٹ ملتان بنچ میں درخواست دائر کریں گے،ترجمان مفتی عبدالقوی ارشدمدنی کی آئی این پی سے بات چیت

ملتان(اُردو پوائنٹ اخبارتازہ ترین۔ 18 اکتوبر2017ء)مفتی عبدالقوی کے ترجمان نے کہا ہے کہ مفتی عبدالقوی فرار نہیں ہوئے وہ ضلع جھنگ میں عرس کی تقریب میں شرکت کیلئے گئے ہیں،آج (جمعرات)کو ہائیکورٹ ملتان بنچ میں مفتی عبدالقوی کی ضمانت کیلئے درخواست دائر کریں گے۔خبررساں ادارے آئی این پی سے بات چیت کرتے ہوئے قندیل بلوچ قتل کیس میں نامزدملزم مفتی عبدالقوی کے ترجمان ارشد مدنی نے کہا کہ مفتی عبدالقوی احاطہ عدالت سے فرار نہیں ہوئے،میڈیا خبرکو غلط رنگ دے رہا ہے،عدالت نے فیصلہ محفوظ کیا تھا جبکہ مفتی عبدالقوی عدالتی فیصلے سے قبل جھنگ کیلئے روانہ ہوگئے تھے جہاں انہوں نے عرس کی تقریب میں ضروری شرکت کرنا تھا،آئی این پی سے بات چیت کرتے ہوئے ترجمان نے مزید کہا کہ مفتی عبدالقوی آج جمعرات کو ملتان واپس آجائیں گے اور ان کی وکلاء ٹیم آج لاہورہائیکورٹ ملتان بنچ میں درخواست ضمانت دائرکرے گی۔

مزید متعلقہ خبریں پڑھئیے‎ :

وقت اشاعت : 18/10/2017 - 15:19:42

متعلقہ عنوان :

اپنی رائے کا اظہار کریں