حاصل پور ،ْ مسافر بس اور ٹرالر میں تصادم کے نتیجے میں دو خواتین سمیت چار افراد جاں بحق ،ْ

آٹھ زخمی ،ْ دو کی حالت نازک مقامی پولیس تھانہ قائم پور نے موقع پر پہنچ کر کاروائی شروع کردی ،ْ ٹرالر ڈرائیور موقع سے فرار ہوگیا

بدھ 18 اکتوبر 2017 13:06

حاصل پور (اُردو پوائنٹ اخبارتازہ ترین - این این آئی۔ 18 اکتوبر2017ء) مسافر بس اور ٹرالر میں تصادم کے نتیجے میں دو خواتین سمیت چار افراد جاں بحق اور آٹھ افراد شدید زخمی ہوگئے جن میں سے دو افراد کی حالت نازک ہے ۔زخمی افراد کو ابتدائی طبی امداد کے بعد بہاول پور ریفر کردیا گیا ۔

(جاری ہے)

تفصیلات کے مطابق فیصل موور کمپنی کی ڈائیو بس جو صادق آباد سے براستہ قائم پور شاہ پور شریف فیصل آباد جا رہی تھی جب بس شاہ پور کے قریب پہنچی تو سامنے سے آنے والے تیز رفتار ٹرالر سے ٹکرا گئی یہ حادثہ تیز رفتاری کے باعث پیش آیا جس کے نتیجے میں سمیرا شاہین دختر ڈاکٹر محمد شاہین عمر 26سال فیصل آباد ،آصفہ دختر ڈاکٹر محمد فاروق احمد عمر 27سال سکنہ رحیم یار خاں ،سنیل کمار ہندو ولد دامن لال عمر 45سال سکنہ جیکب آباد ،عبدالحمید ولد فضل محمد عمر 42سال سکنہ فیصل آباد جوکہ صادق آباد سے فیصل آباد جارہے تھے دو خواتین سمیت چار افراد موقع پر ہی جاں بحق ہوگئے آٹھ افراد شدید زخمی ہوگئے جن میں سے دو افراد کی حالت نازک بیان کی جاتی ہے ۔

زخمی افراد کو ابتدائی طبی امداد کے بعد بہاول پور ریفر کردیا گیا ہے ۔مقامی پولیس تھانہ قائم پور نے موقع پر پہنچ کر کاروائی شروع کردی ہے ٹرالر ڈرائیور موقع سے فرار ہوگیا ۔