ضلعی سکولز کرکٹ ٹورنامنٹ میں جی ایچ ایس کھولیاں بالا کی ٹیم نے جی ایچ ایس بگڑہ ..
تازہ ترین : 1

ضلعی سکولز کرکٹ ٹورنامنٹ میں جی ایچ ایس کھولیاں بالا کی ٹیم نے جی ایچ ایس بگڑہ کو شکست دیدی

ہری پور۔ (اُردو پوائنٹ اخبارتازہ ترین۔ 18 اکتوبر2017ء) ضلعی سکولز کرکٹ ٹورنامنٹ میں جی ایچ ایس کھولیاں بالا کی ٹیم نے جی ایچ ایس بگڑہ کو شکست دیدی۔ تفصیلات کے مطابق کھولیاں بالا ٹیم نے ٹاس جیت کر پہلے بیٹنگ کی اور مقررہ اوورز میں 7 وکٹوں کے نقصان پر 138 رنز سکور کئے۔ جمال نے 31 اور محسن نے 22 رنز بنائے جبکہ دوسری طرف حارث نے 3 اور احتشام نے 2 وکٹیں حاصل کیں۔

جواب میں بگڑہ کی ٹیم 16 اوورز میں 105 رنز سکور پر ڈھیر ہو گئی۔ عاصم 22 جبکہ نثار 16 رنز بنا کر نمایاں سکورر رہے۔ محسن اور فیضان نے دو دو وکٹیں حاصل کیں۔ کھولیاں بالا نے میچ 37 رنز کی برتری سے جیت لیا۔ سیکرٹری ٹورنامنٹ تیمور خان اور پریس سیکرٹری عماد اعجاز اور گرائونڈ کمیٹی نے فاتح کھلاڑیوں، سکول انتظامیہ اور پرنسپل کھولیاں سکول کو مبارکباد دی۔ ایبٹ آباد سے پرنسپل طارق منیر اور پرنسپل محمد نذیر نے میچ میں خصوصی شرکت کر کے کھلاڑیوں کی حوصلہ افزائی کی اور سنسنی خیز میچ کے بہترین انعقاد پر سیکرٹری ٹورنامنٹ و کمیٹی کو خراجِ تحسین پیش کیا۔

مزید متعلقہ خبریں پڑھئیے‎ :

وقت اشاعت : 18/10/2017 - 10:51:04

متعلقہ عنوان :

اپنی رائے کا اظہار کریں