ایف بی آرنے گاڑیوں سمیت 356 اشیاء پر درآمدی ڈیوٹی عائد کردی، نوٹیفکیشن جاری
تازہ ترین : 1
ایف بی آرنے گاڑیوں سمیت 356 اشیاء پر درآمدی ڈیوٹی عائد کردی، نوٹیفکیشن ..

ایف بی آرنے گاڑیوں سمیت 356 اشیاء پر درآمدی ڈیوٹی عائد کردی، نوٹیفکیشن جاری

جن اشیا پر درآمدی ڈیوٹی بڑھائی گئی ان میں میک اپ کا سامان، ٹوتھ پیسٹ، آرٹیفیشل جیولری، جوسر مشین، مائیکرویو اوون و دیگرشامل

کراچی(اُردو پوائنٹ اخبارتازہ ترین۔ 17 اکتوبر2017ء)فیڈرل بورڈ آف ریونیو(ایف بی آر) نے گاڑیوں سمیت 356 اشیاء پر درآمدی ڈیوٹی عائد کردی ہے، جس کا نوٹیفکیشن بھی جاری کردیا گیا ہے ۔تفصیلات کے مطابق ایف بی آر کی جانب سے 1800سی سی گاڑی پر 30فیصد جبکہ 1800سی سی سے کم گاڑی پر کی ڈیوٹی میں 15 فیصد اضافہ کردیا ہے، اس کے علاوہ دیگر 356 پرتعیش اشیاء پر در آمدی ڈیوٹی بڑھادی گئی ہے۔

جن اشیا پر درآمدی ڈیوٹی بڑھائی گئی ان میں میک اپ کا سامان، ٹوتھ پیسٹ، آرٹیفیشل جیولری، جوسر مشین، مائیکرویو اوون پر بھی ٹیکس نافذ کیا گیا ہے ۔ایف بی آر کی جانب سے ان اشیاء پر اضافی درآمدی ڈیوٹی عائد کرنے کے باعث ان اشیاء کی قیمتوں میں اضافہ ہوجائے گا، جس کا براہ راست اثر عوام پرپڑیگا۔اس سے قبل جون میں بھی ایف بی آر نے پرتعیش اشیاء میں شامل 441اشیاء پر ریگولیٹری ڈیوٹی کی شرح میں اضافہ کر دیا تھا، ایف بی آر کی جانب سے جاری نوٹیفکیشن کے مطابق مختلف اقسام کی پرانی و نئی درآمدی گاڑیوں پر ریگولیٹری ڈیوٹی 50 اور 60 فیصد کر دی گئی ہے۔

میک اپ، سگار اور سگریٹس پر ریگولیٹری ڈیوٹی 20فیصد کر دی گئی ہے۔مختلف اقسام کا اسلحہ، واش بیسن، فرشی ٹائلز، میک اپ کے سامان میں آنکھوں کے میک اپ کا سامان، مسکارے مزید مہنگی ہو گئے۔ نقلی پلکوں اور رنگین لینسز پر ڈیوٹی 15فیصد سے بڑھا کر 20فی صد کی گئی تھی جبکہ بالوں کے سنوارنے کی اشیاء جن میں کریم، شیمپو اور ٹانک مہنگے کئے گئے تھے اسی طرح نقلی بال پر ڈیوٹی 20فی صد کی گئی تھی۔ایف بی آر کی جانب سے فیشئل کے سامان میں فیس کریم اور فیس پائوڈر پر15 فیصد ٹیکس عائد کیا گیا تھا جبکہ میک اپ کٹس میں چہرہ اور جلد چمکانے کی کریم پر ڈیوٹی 20 اور نیل پالش، پرفیوم، آفٹر شیو، شیونگ کریم پر بھی ڈیوٹی 20فی صد کی گئی تھی۔

مزید متعلقہ خبریں پڑھئیے‎ :

وقت اشاعت : 17/10/2017 - 18:01:56

متعلقہ عنوان :

اپنی رائے کا اظہار کریں