کراچی درخواست ضمانت مسترد ہونے پر عدالت سے 4 اغواکار فرار

پیر 16 اکتوبر 2017 23:21

کراچی(اُردو پوائنٹ اخبارتازہ ترین - آئی این پی۔ 16 اکتوبر2017ء) سٹی کورٹ میں اغوا برائے تاوان کے مقدمے میں ملوث 4 اغواکار عدالت سے فرار ہوگئے۔ذرائع کے مطابق اغوابرائے تاوان کے مقدمے میں گرفتار 4 اغواکاروں بابر،ناصر،جنید اور بابرعزیز کو عبوری ضمانت کی توثیق کے لیے سیشن عدالت میں پیشی کے لیے لایا گیا تو عدالت سے درخواست مسترد ہوتے ہی ملزمان پولیس کو چکما دے کر باآسانی فرار ہوگئے۔

واقعہ پرعدالت نے ریمارکس دیے کہ لگتا ہے پولیس ملزمان سے ملی ہوئی ہے۔

(جاری ہے)

مفرور ملزمان کی تلاش کے لیے پولیس نے سٹی کورٹ کے اطراف کے علاقوں میں سرچ آپریشن شروع کردیا ہے جب کہ ناکہ بندی بھی کردی گئی ہے۔ پولیس نے کہا ہے کہ ملزمان نے فیروز آباد سے شہری اقبال کو اغوا کرکے ساڑے 4لاکھ روپے تاوان وصول کیا جب کہ شہری کے گھر سے کروڑوں روپے مالیت کے طلائی زیورات اور نقدی بھی لوٹی تھی۔واضح رہے کہ احاطہ عدالت سے ملزمان کے فرار ہونے کا یہ پہلا واقعہ نہیں، اس سے قبل بھی سٹی کورٹ سے خطرناک دہشتگرد اور لیاری گینگ وار کے ملزمان پولیس کو دھوکا دے کر فرار ہوتے رہے ہیں۔

Facebook Twitter Google + Share on Whatsapp

کراچی درخواست ضمانت مسترد ہونے پر عدالت سے 4 اغواکار فرار

متعلقہ عنوان :

مزید قومی خبریں