سندھ طاس آبپاشی نظام کے تحت نگرانی کا موثر نظام وضع کیا جائے ،آبی ضروریات اور چیلنجز سے نمٹنے کیلئے موثر اقدامات کی ضرورت ہے ،

گزشتہ چار دہائیوں میں آبی ذخائر پر توجہ نہیں دی گئی ، آبی ذخائر بنانے کے علاوہ اب کوئی اور چارہ نہیں،آبی ذخائر سمیت پانی کی بچت کیلئے اقدامات کرنا ہوں گے،وزیراعظم شاہد خاقان عباسی کا اعلیٰ سطحی اجلاس سے خطاب

پیر 16 اکتوبر 2017 22:14

سندھ طاس آبپاشی نظام کے تحت نگرانی کا موثر نظام وضع کیا جائے ،آبی ..

اسلام آباد(اُردو پوائنٹ اخبارتازہ ترین - آئی این پی۔ 16 اکتوبر2017ء) وزیراعظم شاہد خاقان عباسی نے کہا ہے کہ سندھ طاس آبپاشی نظام کے تحت نگرانی کا موثر نظام وضع کیا جائے ،آبی ضروریات اور چیلنجز سے نمٹنے کیلئے موثر اقدامات کی ضرورت ہے ، گزشتہ چار دہائیوں میں آبی ذخائر پر توجہ نہیں دی گئی ، آبی ذخائر بنانے کے علاوہ اب کوئی اور چارہ نہیں،آبی ذخائر سمیت پانی کی بچت کیلئے اقدامات کرنا ہوں گے۔

وہ پیر کو ایک اعلیٰ سطحی اجلاس سے خطاب کررہے تھے زیر صدارت اجلاس ہوا جس میں آبی وسائل کے وزیر جاوید علی شاہ ،چیئرمین واپڈا ، کمشنر دریائے سندھ ،چیئرمین ارسااور چیئرمین فلڈ کمیشن موجود تھے ۔اجلاس میں وزیراعظم کو آبی وسائل ،مشرقی اور مغربی دریائوں، پانی کے ذخائر ،تقسیم ، پانی ذخیرہ کرنے کی گنجائش اور تصفیہ طلب امورکے حوالے سے بریفنگ دی گئی۔

(جاری ہے)

بریفنگ میں بتایا گیا کہ ملک میں دستیاب پانی کا ذخیرہ 137ملین ایکٹر فٹ سالانہ ہے اور 93ملین ایکٹر فٹ پانی آبپاشی کیلئے استعمال ہورہا ہے جبکہ 22ملین ایکڑ فٹ پانی بحیرہ عرب میں جا رہا ہے ۔ بحیرہ عرب میں جانے والا پانی درکار ضروریات سے کہیں زیادہ ہے ۔وزیراعظم نے سمندر میں جانے والے پانی کی مقدار میں اضافے کا نوٹس لیا اور کہا کہ سندھ طاس آبپاشی نظام کے تحت نگرانی کا موثر نظام وضع کیا جائے ،آبی ضروریات اور چیلنجز سے نمٹنے کیلئے موثر اقدامات کی ضرورت ہے ،آبی ذخائر سمیت پانی کی بچت کیلئے اقدامات کرنا ہوں گے ۔

انہوں نے کہا کہ پانی انتہائی اہم مسئلہ ہے فوری توجہ دینے کی ضرورت ہے ، گزشتہ چار دہائیوں میں آبی ذخائر پر توجہ نہیں دی گئی ، عدم توجہی نے آبی تحفظ کیلئے نئے مسائل کو جنم دیا ہے ،آبی ذخائر بنانے کے علاوہ اب کوئی اور چارہ نہیں ۔وزیراعظم نے دیامر بھاشا اور مہمند ڈیم کی تعمیر پر عمل درآمد کیلئے ہدایت جاری کی اور کہا کہ دیامر بھاشا ڈیم کی مالی حکمت عملی مشترکہ مفادات کونسل سے منظور کرائی جائے ۔