سیاسی مخالفین جتنا چاہیں زور لگا لیں ، نواز شریف کو عوام کے دلوں سے نہیں نکال سکتے،سینٹر ڈاکٹر آصف کرمانی

پیر 16 اکتوبر 2017 21:22

اسلام آباد(اُردو پوائنٹ اخبارتازہ ترین - این این آئی۔ 16 اکتوبر2017ء) پاکستان مسلم لیگ (ن)کے ترجمان سینٹر ڈاکٹر آصف کرمانی نے کہا ہے کہ سیاسی مخالفین جتنا چاھیں زور لگا لیں ، نواز شریف کو عوام کے دلوں سے نہیں نکال سکتے۔عمران خان منی لانڈرنگ کیس ایک ٹیسٹ کیس ہے۔پیر کو جاری کر دہ بیان میں ڈاکٹر آصف کرمانی نے کہا ہے کہ مسلم لیگ (ن) نواز شریف کی قیادت میں مظبوط اور متحد ھے۔

(جاری ہے)

انہوں نے کہا کہ الیکشن 2018 میں عوام چوتھی مرتبہ بھی نواز شریف پر اعتماد کا اظہار کریں گے۔ ڈاکٹر آصف کرمانی نے کہا کہ نواز شریف نے ہمیشہ پاکستان اور عوام کے مفاد میں کام کیا ہے۔ محمد نواز شریف کی قیادت میں حکومت نے لوڈشیڈنگ اور دہشت گردی پر قابو پایا اور غیر مستحکم معیشت کو مستحکم کیا۔ انہوں نے کہا کہ مسلم لیگ ن کی حکومت نواز شریف کے ویژن کی روشنی میں آگے بڑھ رہی ہے۔