میرا منی ٹریل اج ہر لحاظ سے مکمل ہوگیا، عمران خان

سپریم کورٹ کی جانب سے مانگی گئی تمام اضافی دستاویز جمع کروا دیں،انتہائی عمدگی سے دستاویزی ریکارڈ سنبھالے رکھنے پر جمائما کا شکرگزار ہوں، نواز شریف نے قطری کے جعلی خط کے علاوہ 300 ارب کی منی لانڈرنگ کا کوئی ثبوت پیش نہیں کیا،چیئرمین پی ٹی آئی

پیر 16 اکتوبر 2017 21:16

میرا منی ٹریل اج ہر لحاظ سے مکمل ہوگیا، عمران خان

اسلام آباد(اُردو پوائنٹ اخبارتازہ ترین - این این آئی۔ 16 اکتوبر2017ء) اللہ کریم کے فضل و احسان سے میرا منی ٹریل آج ہر لحاظ سے مکمل ہوگیا ہے۔ سپریم کورٹ کی جانب سے مانگی گئی تمام اضافی دستاویز آج جمع کروا دی ہیں۔ یہ بات چیئرمین تحریک انصاف عمران خان سماجی رابطے کی سائیٹ پر اپنے جاری کردی ایک پیغام میں کہی۔

(جاری ہے)

انہوں نے کہا کہ انتہائی عمدگی سے دستاویزی ریکارڈ سنبھالے رکھنے پر جمائما کا بھی شکرگزار ہوں۔

چھ سو بہتر ہزار پاؤنڈز کا مکمل ریکارڈ اب سپریم کورٹ کے سامنے موجود ہے۔نواز شریف نے قطری کے جعلی خط کے علاوہ 300 ارب کی منی لانڈرنگ کا کوئی ثبوت پیش نہیں کیا۔ان کا کہنا تھا کہ میرے ایک دوست نے اس سارے منظر نامے پر ہلکے پھلکے انداز میں تبصرہ کیا ہے کہ اگر وہ میری جگہ ہوتا تو اس کی سابق اہلیہ شریفوں سے پیسے لیتی اور مجھے جیل بھجوا دیتی۔