کرم ایجنسی میں بارودی سرنگ کے دھماکہ میں ایک آفیسرسمیت 4 سیکیورٹی اہلکار شہید ،3 زخمی

اتوار 15 اکتوبر 2017 13:10

راولپنڈی ۔ (اُردو پوائنٹ اخبارتازہ ترین - اے پی پی۔ 15 اکتوبر2017ء) کرم ایجنسی کے علاقہ خرلاچی کے قریب دہشت گردوں کی طرف سے نصب بارودی سرنگ کے دھماکہ میں ایک آفیسرسمیت 4 سیکیورٹی اہلکار شہید اور3 زخمی ہوگئے۔

(جاری ہے)

پاک فوج کے شعبہ تعلقات عامہ (آئی ایس پی آر) کے مطابق شہید اورزخمی ہونے والے اہلکار اس سے قبل بازیاب کرائے جانیوالے غیرملکیوں کے ہینڈلرز کی تلاش کیلئے سرچ پارٹی کا حصہ تھے۔دھماکہ میں کیپٹن حسنین، سپاہی سعید باز، سپاہی قادر اورسپاہی جمعہ گل شہید جبکہ نائیک انور، سپاہی ظاہر لانس نائیک شیرافضل زخمی ہوگئے۔