مصر، مسلح افراد کے حملے میں6 سکیورٹی اہلکار ہلاک، جوابی کارروائی میں 2 حملہ آورمارے گئے

ہفتہ 14 اکتوبر 2017 10:30

قاہرہ ۔ (اُردو پوائنٹ اخبارتازہ ترین - اے پی پی۔ 14 اکتوبر2017ء) مصر کے شورش زدہ جزیرہ نما سینائی میں نامعلوم مسلح افراد کے حملے میں کم از کم 6 فوجی ہلاک ہوگئے جبکہ جوابی کارروائی میں 2 حملہ آور مارے گئے ۔جرمن نشریاتی ادارے کے مطابق مصری فوج کی جانب سے جاری ہونے والے بیان میں کہا گیا ہے یہ حملہ عریش شہر میں قائم ایک چیک پوسٹ پر کیا گیا۔

(جاری ہے)

بیان میں بتایا گیا کہ حملہ آوروں نے چیک پوسٹ پر حملے کے دوران دستی بموں اور آتشی اسلحے کا استعمال کیا جس میں 6 اہلکار ہلاک ہو گئے۔

اس حملے کے بعد مصری سکیورٹی اہلکاروں اور حملہ آوروں کے بعد ہونے والی دو طرفہ فائرنگ میں 2 حملہ آوور بھی ہلاک ہو گئے۔مصری فوج نے علاقے کی ناکہ بندی کرتے ہوئے فرار ہونے والے حملہ آوروں کو تلاش کرنے کے عزم کا اظہار کیا ہے۔