وزیرداخلہ آئندہ ہفتے رینجرز میں بھرتی ہونے والے نئے اہلکاروں اور افسران کی پاسنگ آئوٹ پریڈ میں مہمان خصوصی ہونگے

جمعہ 13 اکتوبر 2017 20:58

لاہور(اُردو پوائنٹ اخبارتازہ ترین - آئی این پی۔ 13 اکتوبر2017ء) وزیرداخلہ احسن اقبال آئندہ ہفتے رینجرز میں بھرتی ہونے والے نئے افسران اور اہلکاروں کی پاسنگ آئوٹ پریڈ میں مہمان خصوصی کے طور پر شرکت کریں گے ، اسلام آباد میں احتساب عدالت میں رینجرز کی تعیناتی کا تنازعہ پیدا ہونے کے بعد یہ پہلا موقع ہو گا کہ وزیرداخلہ رینجرز کی اہم تقریب میں بطور مہمان خصوصی شریک ہوں گے ۔

(جاری ہے)

ذرائع کا کہنا ہے کہ احتساب عدالت میں پیش آنے والے معاملے کی تحقیقاتی رپورٹ کے بعد سول اور ملٹری قیادت کے درمیان اس معاملے کو باہمی رضا مندی سے حل کرنے پر بھی اتفاق ہوا ہے جس کے بعد یہ فیصلہ کیا گیا کہ وزیرداخلہ رینجرز کی پریڈ میں شرکت کریں گے ،امریکہ سے وطن واپسی کے بعد آئندہ ہفتے وہ لاہور میں رینجرز کے نئے بھرتی ہونے والے اہلکاروں کی پاسنگ آئوٹ پریڈ میںشرکت کریں گے اور ڈی جی رینجرز سے بھی ان کی ملاقات ہوگی ۔