ایس ایس پی تشدد کیس میں چیف کمشنر اسلام آباد نے عمران خان کی جائیداد کی تفصیل انسداد دہشت گردی کی عدالت میں جمع کرادی

اسلام آباد (اُردو پوائنٹ اخبارتازہ ترین - این این آئی۔ 13 اکتوبر2017ء) ایس ایس پی تشدد کیس میں چیف کمشنر اسلام آباد نے عمران خان کی جائیداد کی تفصیل انسداد دہشت گردی کی عدالت میں جمع کرادی، جس میں کہا گیا کہ عمران خان کی اسلام آباد میں 300کنال اراضی موہڑہ نور میں ہے،انہوں نے جمائما کے نام تین سوکنال بینامی جائیداد خریدی،اشتہاری ملزم طاہر القادری کی اسلام آباد میں کوئی جائیداد نہیں۔

عصمت اللہ جونیجو نے عدالت میں بیان ریکارڈ کرایا کہ 70 سے 80بلوائی پی ٹی وی اور ریڈ زون کی طرف بڑھ رہے تھے ،ْروکنے کی کوشش پر انہوں نے حملہ کردیا جس سے شدید زخمی ہوگیااسلام آباد کی انسداد دہشت گردی عدالت میں پیش کردہ رپورٹ کے مطابق اشتہاری ملزم طاہر القادری کی اسلام آباد میں کوئی جائیدادنہیں۔

(جاری ہے)

مقدمے کے دوسرے اشتہاری چیئرمین پی ٹی آئی عمران خان اسلام آبادمیں 300 کنال اراضی کے مالک ہیں جو 2002 میں سر جیمز گولڈ سمتھ کی صاحبزادی جمائمہ خان کے نام پر 43 کروڑ روپے میں خریدی گئی تھی اور بعد میں عمران خان کے نام ٹرانسفر ہوئی۔

عدالت نے اشتہاری ملزم عمران خان کی میانوالی اور لاہور میں جائیداد کی تفصیلات بھی طلب کر لیں۔ مقدمیکیاشتہاری ملزمان کی تمام جائیداد کی تفصیلات عدالت میں جمع ہونے کیبعد جائیدادضبطگی کی کارروائی شروع کی جائیگی ۔جج شاہ رخ ارجمند نے 2014 کے حکومت مخالف دھرنوں کے دوران مظاہرین کی جانب سے اس وقت کے ایس ایس پی آپریشنز عصمت اللہ جونیجو پر تشدد کے مقدمہ کی سماعت کی۔

سابق ایس ایس پی اسلام آباد عصمت اللہ جونیجو نے عدالت میں بیان ریکارڈ کرایا اور کہا کہ دھرنے کے دوران سیکورٹی ڈویڑن کے احکامات پر عمل کرتے ہوئے ریڈ زون پہنچا۔ 70سے 80بلوائی پی ٹی وی اور ریڈ زون کی طرف بڑھ رہے تھے، جنہیں روکنے کی کوشش پر انہوں نے حملہ کردیا ۔ شدید چوٹیں آئیں ،ْ پہلے پولی کلینک ہسپتال پہنچایا گیا ۔ خون کافی بہہ رہا تھا اس لیے پمز اسپتال شفٹ کر دیا گیا کیس کی مزید سماعت 17 اکتوبر کوہوگی ۔