مودی میانمار میں روہنگیا پر ہونے والے مظالم روکنے کیلئے اثر و رسوخ استعمال کریں،اہم بھارتی شخصیات کی اپیل
ملک میں مقیم ہزاروں روہنگیا پناہ گزینوں کو جبرا ملک سے نکالنا نہ صرف ملک کی انسانی روایات کے اصول کے منافی ہو گا بلکہ اس سے بین الاقوامی قوانین اور ملک کی اپنی آئینی ذمے داریوں کی خلاف ورزی ہو گی،50 سے زیادہ اہم شخصیات کا خط
جمعہ 13 اکتوبر 2017 18:26
(جاری ہے)
یہ خط ایک ایسے وقت میں جاری کیا گیا ہے جب سپریم کورٹ ملک میں مقیم روہنگیا پناہ گزینوں کو جبرا برما بھیجنے کے سوال پر بعض پناہ گزینوں کی درخواست کی سماعت کر رہی ہے۔
خط لکھنے والوں میں سابق وزیر داخلہ پی چدامبرم، سابق داخلہ سکریٹری جی کے پلئی، سابق سفارت کار کے سی سنگھ، حقوق انسانی کے وکیل پرشانت بھوشن اور کامنی جیسوال سمیت 50 سے زیادہ سرکردہ دانشوروں، صحافیوں، ارکان پارلیمان اور کارکنوں کے نام شامل ہیں۔حکومت نے دو ماہ قبل اعلان کیا تھا کہ وہ ملک میں مقیم 40 ہزار روہنگیا پناہ گزینوں کو زبردستی ملک سے باہر نکال دے گی۔ حکومت کا کہنا ہے کہ روہنگیا کا تعلق شدت پسند تنطیموں سے ہے اور وہ ملک کی سلامتی کے لیے خطرہ ہیں۔ حقوق انسانی کی تنطیموں اور سول سوسائٹی نے حکومت کے اس موقف کی مذمت کرتے ہوئے اسے مسترد کر دیا ہے۔خط میں کہا گیا ہے کہ روہنگیا پناہ گزینون کو اپنے ملک واپس لوٹنے کا حق حاصل ہے۔ لیکن وہاں کی موجودہ صورتحال ان کی واپسی کے لیے کسی طرح بھی محفوظ نہیں ہے۔جب تک برما میں ان کا قتل عام، اجتماعی ریپ، آتش زنی اور دوسری نوعیت کے تشدد پوری طرح ختم نہیں ہو جاتے تب تک روہنگیا پناہ گزینوں کو مسلمہ بین الاقوامی اصولوں کے تحت انڈیا میں رہنے کا حق حاصل ہے۔دو صفحات پر مشتمل اس خط میں مزید کہا گیا ہے کہ سول سوسائٹی اور اقوام متحدہ کے کمیشن برائے پناہ گزین نے بھی انڈیا پر زور دیا ہے کہ وہ برسوں سے مقیم روہنگیا پناہ گزینوں کو ملک سے باہر نہ نکالے۔ملک کے آئین کی دفعہ 21 ہر شخص کو، خواہ وہ کسی بھی قومیت کا ہو زندگی کی ضمانت دیتا ہے۔ اور حکومت ایسے غیر ملکی شہریوں کے کسی بھی گروپ کو تحفظ فراہم کرنے کے لیے آئینی طور پر پابند ہے جنھیں خطرہ لاحق ہے۔خط میں کہا گیا ہے کہ انڈیا اس حقیقت کو تسلیم کرے کہ برما میں بڑے پیمانے پر انسانی بستیوں کو جلانے، ریپ اور سیکیورٹی فورسز کے حملوں کے سبب ہی روہنگیا اپنے ملک سے بھاگنے اور دوسرے ملکوں میں پناہ لینے پر مجبور ہوئے۔خط میں وزیر اعظم نرینرد مودی سے اپیل کی گئی ہے کہ وہ رخائن صوبے میں سکیورٹی فورسز کی کارروائیاں روکنے، قانون کا کی بالادستی کا احترام کرنے اور روہنگیا پناہ گزینوں کی محفوظ واپسی کے لیے میانمار پر اپنے اثر و رسوخ کا استعمال کرے۔متعلقہ عنوان :
مزید بین الاقوامی خبریں
-
آسٹریلیا میں مقیم پاکستانی ڈاکٹر تصور اسلم بھٹہ کی لکھی گئی کتاب ”زبان یار من ترکی“ کی تقریب رُونمائی
-
برطانیہ کا اسرائیل کو اسلحہ برآمد کرنے کا نظام امریکا جیسا نہیں ، ڈیوڈ کیمرون
-
عازمین حج میں 40 ملین آب زم زم کی بوتلیں تقسیم کی جائیں گی، الزمازمہ کمپنی
-
وطن واپس آکر بہت خوش ہوں، شہزادہ ہیری
-
بھارت کو پاکستان کی عزت کرنی چاہیے، منی شنکر ائیر
-
سابق امریکی صدر ڈونلڈ ٹرمپ کے بیٹے کی سیاست کے میدان میں قدم رکھ دیا
-
امریکی سکھ شہری پر قاتلانہ حملے کے شواہد موجود ہیں،امریکا
-
قید سے رہا ہونے والامجرم اہلیہ سے بدلہ لے کردوبارہ جیل پہنچ گیا
-
بھارت میں خاتون نے 5 بچوں کو جنم دے دیا
-
سورج میں زمین سے 15 گٴْنا بڑا طوفان .
-
شادی شدہ مسلمانوں کے ناجائز تعلقات پر بھارتی عدالت کا فیصلہ
-
جیمز ویب ٹیلی سکوپ نے نظام شمسی کے باہر سپر ارتھ نامی سیارے پر گیسوں کی موجود گی کا پتہ چلا لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.